Vajna11

RDK śćviardžaje, što ŭziaŭ u pałon 25 rasijskich vajskoŭcaŭ

Bajcy «Ruskaha dobraachvotnickaha korpusa» zajavili, što pałanili 25 sałdat padčas rejdaŭ u Biełharadskuju i Kurskuju vobłaści. Biełharadski prajekt «Piepieł» ličyć videarolik RDK pastanovačnym, piša Deutsche Welle.

Rasijskija dobraachvotniki z tak zvanaha «Ruskaha dobraachvotnickaha korpusa» (RDK), jakija vajujuć na baku Ukrainy, paviedamili, što padčas rejdaŭ u Biełharadskaj i Kurskaj abłaściach uziali ŭ pałon 25 rasijskich vajskoŭcaŭ. Telegram-kanał vydańnia Astra ŭ subotu vykłaŭ videarolik RDK z dopytam rasijanina, jaki pradstaviŭsia staršym lejtenantam Alaksiejem Kołatavym i zajaviŭ, što byŭ uziaty ŭ pałon bajcami RDK.

Maci Alaksieja Kołatava paćvierdziła Astra, što toj znachodzicca ŭ pałonie. Jana skazała, što syn słužyć pa kantrakcie, u 2023 hodzie termin jaho kantraktu skončyŭsia, adnak sa słužby jaho nie adpuścili.

Lidar padraździaleńnia RDK, nieanacyst Dzianis Kapuścin (White Rex), asudžany ŭ Rasii na pažyćciovy termin, zaprasiŭ hubiernatara Biełharodskaj vobłaści Hładkova na sustreču, kab pieradać pałonnych rasijanaŭ na videa RDK. Akramia dopytu Kołatava, pakazanyja ludzi ŭ vajskovaj formie sa składzienymi ŭ zamok rukami, ich tvaraŭ nie vidać.

«Piepieł»: Videa RDK — pastanovačnaje

Biełharadski niezaležny prajekt «Piepieł», praanalizavaŭšy videarolik RDK, vykazaŭ zdahadku, što jon nasamreč pastanovačny i adziny sapraŭdny vajskoviec na im — Kołataŭ. Udzielniki prajekta ŭ liku inšaha źviarnuli ŭvahu na toje, što na rukach «vajennapałonnych» niama fiksataraŭ, jakija zvyčajna vykarystoŭvajucca dla abiezruchoŭlivańnia, naprykład płastykavych chamutoŭ.

Niekatoryja z udzielnikaŭ rolika imitujuć, što ŭ ich źviazanyja ruki. Na videa vyrazna prykmietna, što ŭ «vajennapałonnaha» pasiaredzinie, jaki paśla padymaje ruki, skłaŭšy ich u zamok, ruki nie źviazanyja: kiści lažać adzin na adnym u svabodnym stanoviščy, a ŭ pačatku rolika vidać, što rasijanin padniaŭ tolki adnu ruku. Kali pryhledziecca ŭvažliva, to možna ŭbačyć, što vajskoviec źleva ad centralnaha «vajennapałonnaha» siadzieŭ sa svabodnymi rukami i ŭ momant zdymki składaje ich u zamok, tłumačyć «Piepieł» u svaim telehram-kanale.

Heta ŭžo nie pieršy vypadak, kali RDK paviedamlaje ab zachopie pałonnych u Biełharodskaj vobłaści i zaklikaje hubiernatara Hładkova sustrecca dla abmienu. Hładkoŭ u pieramovach nie ŭdzielničaŭ, spasyłajučysia na toje, što RDK, chutčej za ŭsio, zabiŭ pałonnych vajskoŭcaŭ. Paśla akazałasia, što tyja žyvyja. Ich los nieviadomy.

Kamientary1

  • Pachodnia
    16.03.2024
    Fejkavaja maskavickaja apazycyja (Piepieł) suprać sapraŭdnaj (RDK, lehijon Svaboda i Sibirski bataljon).
    Čamu? Tamu što hledziačy na realnyja dziejańni sapraŭdnaha supraciva pucinu ŭsio bolš maskavitaŭ uśviedamlajuć, jakija hetyja navalnisty bałałaboły nikčemy i chutka 'miaduzam' niama budzie dzie charčavacca.

Ciapier čytajuć

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty6

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty

Usie naviny →
Usie naviny

Cichanoŭskaja: Siońniašni dzień kaliści stanie sapraŭdnym śviatam6

Znajšłosia jašče adno paćviardžeńnie taho, što «Amkadoram» kiruje nie Šakucin, a mieniedžary BiełAZa

Na vajnie źnik bieź viestak «Biełarus» — žychar Baraŭlanaŭ, jaki ŭchilaŭsia ad biełaruskaha vojska, ale pajšoŭ pamirać za Rasiju9

Pa Minsku ŭžo jeździać pieršyja «vaśmiorki». Usie samyja «pryhožyja» kambinacyi numaroŭ u DAI ŭžo razabrali7

Siońnia nočču pa ŭsioj Biełarusi byŭ maroz

Dziaŭčyna paprasiła ŭ kazino bolš jaje nie puskać, a jaje adpravili ŭ padatkovuju

«Hiermanija viartajecca»: budučy kancler Mierc damoviŭsia ab reformie abmiežavańniaŭ na dziarždoŭh

Jak vybrać film ci sieryjał na viečar? Sačycie za hetymi resursami6

U Maładziečanskim rajonie viaskoŭcy zmahajucca z kramaj, dzie pradajuć drennyja pradukty5

bolš čytanych navin
bolš łajkanych navin

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty6

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty

Hałoŭnaje
Usie naviny →

Zaŭvaha:

 

 

 

 

Zakryć Paviedamić