U Biełarusi prapanujuć u piać razoŭ źmienšyć maksimalny płaciež hatoŭkaj
Va ŭkaz Łukašenki «Ab raźvićci bieznajaŭnych raźlikaŭ» płanujuć unieści źmianieńni. Prajekt dakumienta vyniesieny na hramadskaje abmierkavańnie, paviedamlaje Nacbank.
Prajekt ukaza raspracavany pa inicyjatyvie Ministerstva pa padatkach i zborach, kab pavialičyć doli bieznajaŭnych płaciažoŭ za tavary, raboty i pasłuhi.
U prajekcie ŭkaza praduhledžana paetapnaje, na praciahu 2024-2025 hadoŭ, źnižeńnie hraničnaha pamieru płaciažu najaŭnymi, što robicca jurasobami i indyvidualnymi pradprymalnikami ad fizičnych asob pry prodažy im tavaraŭ (rabot, pasłuh). Havorka idzie pra źnižeńnie z 500 da 100 bazavych vieličyń. Na siońnia heta źnižeńnie z 20 tysiač da 4 tysiač rubloŭ.
Płanujuć taksama bolš stymulavać hramadzian płacić pa bieznajaŭnym raźliku. U tym liku za košt pavyšeńnia pamieru ŭznaharodžańnia, jaki vypłačvajecca ad sumy bieznajaŭnaha płaciažu i nie abkładajecca padachodnym padatkam ź fizičnych asob, z 2 da 10%.
U Nacbanku ličać, što zakonaprajekt akaža stanoŭčy ŭpłyŭ na dalejšaje raźvićcio prahram łajalnaści, jakija praduhledžvajuć vypłaty fizičnym asobam uznaharodžańnia za praviadzieńnie płaciažoŭ u bieznajaŭnaj formie.
Heta, u svaju čarhu, budzie stymulavać hramadzian bolš aktyŭna admaŭlacca ad najaŭnych.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary