Biełarus pasprabavaŭ u Maskvie znajści čystuju mašynu. Uhadajcie, čyjo aŭto heta było
Biełarus u tyktoku pad nikam potternov pasprabavaŭ znajści na darohach Maskvy nie zalapanuju brudam mašynu. Voś što ŭ jaho atrymałasia.
Na adnym videa aŭtaru zusim nie daviałosia pabačyć čystaje aŭto. «U Maskvie na takich brudnych mašynach jeździać! U Minsku takich tak časta nie ŭbačyš. Ci heta kultura takaja, ci ahulnaja damoŭlenaść — nie viedaju. Jedzie i ŭvohule numara niama pa fakcie», — havoryć jon.
A ŭžo na druhim videa jamu ŭdałosia pabačyć čystaje aŭto.
«Ja znajšoŭ čystuju mašynu, hladzicie, śpieradu jedzie!» — havoryć aŭtar videa.
Adzinym čystym aŭto siarod susiedziaŭ akazaŭsia aŭtamabil z mahiloŭskimi numarami.
Heta videa pahladzieli bolš za miljon razoŭ, karystalniki pakinuli sotni kamientaroŭ.
«Usia sprava ŭ kamierach. U Biełarusi mała kamier za parušeńnie PDR, u Rasii — na kožnym słupie, i nie myjuć mašyny, kab nie čytaŭsia numar».
«Ja ź Minska, i ŭ nas na parkoŭcy zdaloku možna zrazumieć, dzie staić mašyna na rasijskich numarach — zvyčajna jany zajmajuć miescy dla invalidaŭ».
«U mianie plamieńnik picierski, kali pryjazdžaje ŭ Minsk — jon u šoku, kali jamu pałasu sastupajuć)) Kaža — zabyŭsia, jakoje heta krutoje adčuvańnie!»
«U nas mužyki lepš dahladajuć svaje mašyny, čym siabie».
«Ja pamiataju ŭ dziacinstvie, pierad pajezdkaj u Minsk, tata abaviazkova myŭ mašynu, bo ŭ stalicu jedziem», — dzielacca karystalniki.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary