Heta reakcyja na mahčymuju zabaronu ŭvozu palaŭničych trafiejaŭ z Afryki.
Niamieckija «zialonyja», u tym liku ministr navakolnaha asiarodździa Hiermanii Štefi Lemkie, razhladajuć mahčymaść uviadzieńnia zabarony abo abmiežavańniaŭ na ŭvoz palaŭničych trafiejaŭ, piša Bild.
Ułady Batsvany śćviardžajuć, što ad zabarony pacierpić nie tolki dziaržaŭnaja kazna krainy, ale i zapaviedniki, jakija zabiaśpiečvajuć zachavańnie i kantrol papulacyi dzikich žyvioł, a taksama prostaje nasielnictva afrykanskaj krainy.
Prezident Makhvitsi Masisi zajaviŭ, što kali niamieckija «zialonyja» lepš raźbirajucca ŭ pytańni, to jany pavinny pakazać, jak možna žyć sa słanami biez palavańnia.
«20 000 dzikich słanoŭ dla Hiermanii. Heta nie žart», — skazaŭ Masisi.
Takaja praktyka, pavodle słoŭ prezidenta Batsvany, źjaŭlajecca narmalnaj. Kraina ciapier naličvaje bolš za 130 tysiač słanoŭ, raniej jana ŭžo pieradała Anhole 8 tysiač asobin.
Masisi adznačyŭ, što Batsvana pakutuje ad pieranasialeńnia słanoŭ, jany zatoptvajuć ludziej, źniščajuć pasievy i spustašajuć vioski. Palavańnie źjaŭlajecca srodkam kantrolu papulacyi, a zabarona spryjaje raźvićciu brakańjerstva.
Važnaj umovaj padarunka, ad jakoha, jak śćviardžaje Masisi, nielha budzie admovicca, źjaŭlajecca toje, što słany pavinny zastavacca ŭ volnym vyhule ŭ Niamieččynie.
«Kali jany vam tak padabajucca, dyk, kali łaska, prymicie ad nas hety padarunak. Vy pavinny žyć z žyviołami tak, jak vy kažacie heta rabić nam», — zajaviŭ jon.
Raniej ministr achovy navakolnaha asiarodździa Namibii taksama vykazaŭsia suprać zabarony, nazvaŭšy takoje rašeńnie «niezakonnym» i «nieakalanijalnym».
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory12
Kamientary