U Varšavie banda padletkaŭ napała na školnika-biełarusa. Jaho vychoŭvaje maci palitźniavolenaj
15-hadovaha padletka ź pierałomam pavieźli ŭ balnicu. Apiakun choča znajści tych, chto napadaŭ, piša MOST.
Zdareńnie adbyłosia dniom 1 krasavika. Školnik ź Biełarusi Cimur ź siabram-ukraincam katalisia na samakatach u centry Varšavy. U Śvientakšyskim parku chłopcy prysieli na łaŭku, kab pieradychnuć i papravić samakaty.
Kala susiedniaj łavački sabrałasia vialikaja kampanija padletkaŭ — čałaviek z 15-20. Pa ich vymaŭleńni Cimur vykazaŭ zdahadku, što heta byli ŭkraincy. Padletkam u kampanii na vyhlad było ad 14 da 17 hadoŭ.
Nieŭzabavie jany akružyli Cimura i jaho siabra i stali da ich prystavać: patrabavali dać im pakatacca na samakacie, adbirali klučy, čaplalisia da vysokich čaravikaŭ chłopcaŭ. Chtości z kampanii dastaŭ nož, inšy pakazaŭ niešta padobnaje na pistalet. Adzin z napadnikaŭ raspyliŭ u tvar Cimuru haz z bałončyka.
Chłopcy pasprabavali ŭciačy. Siabar Cimura paśpieŭ źjechać, biełarusu ž nie pašancavała: chtości z tych, chto napadaŭ, paśpieŭ uchapić jaho za partfiel. Padletak upaŭ i złamaŭ łokać.
Chłopčyku dapamahli minaki: adna dziaŭčyna źbiehała ŭ kramu pa małako, kab pramyć chłopcu vočy ad piarcoŭki. Siabar biełarusa vyklikaŭ palicyju.
Cimur žyvie ŭ pryjomnaj siamji, jaho maci nie zmahła kłapacicca pra svaich dziaciej z-za ałkaholnaj i narkatyčnaj zaležnaści. Apieku nad dvuma chłopcami ŭziała biełaruska Hanna. Jana pierajechała ŭ Polšču z dvuma ŭnukami, kali paśla vybaraŭ 2020 hoda jaje dačku — davieranuju asobu Śviatłany Cichanoŭskaj — i ziacia zatrymali. Užo ŭ Polščy Hanna daviedałasia pra dvuch biełaruskich dziaciej, jakija zastalisia biez apieki, i stała pra ich kłapacicca.
Ciapier Hanna choča znajści tych, chto napadaŭ. Jana napisała zajavu ŭ palicyju. Žančyna śćviardžaje, što Cimur — chłopčyk niekanfliktny i spakojny. Na dumku Hanny, da chłopcaŭ prosta pryčapilisia. Sam Cimur vielmi pieražyvaje i ličyć siabie vinavatym u tym, što ź im takoje zdaryłasia.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary