Stała viadoma, jakimi aŭtamabilami vałodajuć Kačanava i siemji jaje dźviuch dačok
Vydańnie «Lusterka» nadrukavała artykuł pra majomasny stan Natalli Kačanavaj i jaje najbližejšych svajakoŭ. Pra toje, jak vyrašana žyllovaje pytańnie adnoj z najbližejšych paplečnic Łukašenki, «Naša Niva» nieadnarazova pisała raniej, i z taho času, jak vyhladaje, pryncypova ničoha nie pamianiałasia. A voś pra aŭtapark hetaj siamji raniej viadoma nie było, hetaje pytańnie «Lusterka» vyśvietliła pry dapamozie Belpol.
Treba skazać, što ŭ hetym aśpiekcie ŭ siamji samoj Kačanavaj i ŭ jaje dačok usio davoli ścipła, prynamsi, tak było try hady tamu.
Na samu Natallu Kačanavu i jaje dočak nijakaha aŭtatranspartu na pa stanie siaredzinu 2021 hoda zapisana nie było. U muža čynoŭnicy, Leanida Kačanava, jość Suzuki Grand Vitara 2008 hoda vypusku.
Taksama jość aŭtamabili ŭ mužoŭ abiedźviuch dačok, ale da razradu darahich ich adnieści składana. Naprykład, u muža starejšaj dački jość mašyna 2001 hoda vypusku, a ŭ muža małodšaj — Mercedes-Benz C180 2014 hoda vypusku.
Starejšaj dačce Kačanavaj, Volzie, 38 hadoŭ, jana pracuje lekaram z vyšejšaj katehoryjaj u RNPC «Maci i dzicia». Jaje muž — taksama miedyk, pracuje ŭ Minskim ankałahičnym centry lekaram UHD.
Małodšaja dačka čynoŭnicy, 30-hadovaja Alena, pavodle danych na siaredzinu 2021 hoda, pracavała na navapołackim «Naftanie», a jaje muž byŭ dyrektaram pa IT u bujnoj kampanii, jakaja vyrablaje mietaličnyja dźviery i damafonnyja sistemy.
Historyja žyćcia Natalli Kačanavaj: jak valejbalistka z vodakanała stała samaj vysokapastaŭlenaj žančynaj Biełarusi
Vice-premjerka Kačanava pačynaje budoŭlu katedža ŭ Drazdach FOTY
Kačanava vyhulała na MTZ raskošnuju šubu sa skandynaŭskaj norki
«A pavinna być u fufajcy?» Łukašenkaŭcy kinulisia abaraniać šubu Kačanavaj
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała9
Kamientary