Vydaviectva «Pflaŭmbaŭm» anansavała vychad novaha ramana Juhasi Kalady «Vandroŭka liftam», u jakim dziejańnie adbyvajecca adnačasova ŭ Minsku dzievianostych, nulavych, u dvaccatym hodzie — i ŭ tym dziŭnym miescy, dzie ŭžo niama nijakaha času, piša bellit.info.
«A što, kali miescy, jakija my pakinuli, nie źnikajuć, a zavisajuć dzieści ŭ małočnym tumanie minułaha? Što, kali ŭsio jašče možna ŭvajści ŭ svoj dziciačy pakoj u baćkoŭskaj kvatery? Vysunuć šufladku z univiersiteckimi kanśpiektami? Pahladzieć historyju zvankoŭ u mabilniku dvaccacihadovaj daŭniny? Pasiadzieć na vierandzie doma, jaki zhinuŭ u pažary? A raptam možna navat dasłać list z taho śvietu na hety — i atrymać adkaz?» — intryhuje anatacyja.
Aŭtarka «Pieramieny miescaŭ» i «Hałoŭnaj pamyłki Afanasija» Juhasia Kalada znoŭ pracuje z padmienaj žanraŭ.
«Vandroŭka liftam» pačynajecca jak śpiekulatyŭnaja fantastyka pra budovu taho śvietu — ź liftami, tajmłajnami žyćcia, biełym tumanam i biurakratyjaj, — ale pastupova pieratvarajecca ŭ psichałahičny raman pra vinu, zhublenaje kachańnie, stračanaje siabroŭstva, idyjockija pamyłki maładości, balučyja stasunki baćkoŭ i dziaciej. I raptam vyvodzić tudy, dzie asabistaje žyćcio adnaho čałavieka złučajecca ź pierałomnymi padziejami ŭ losie ŭsioj Biełarusi.
Papiaredni zakaz dziejničaje da 8 kastryčnika, zamović knihu možna praz sajt kniharni «Knihaŭka». Prodaž pačniecca 15 kastryčnika.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj22
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary