«Isnuje ryzyka pačatku vajny». Vialikabrytanija nastojliva zaklikała hramadzian ustrymacca ad pajezdak u Biełaruś
Ministerstva zamiežnych spraŭ Vialikabrytanii dadało ŭ svoj čyrvony i čorny śpisy 8 novych krain, siarod jakich jość Biełaruś. Pavodle aktualnaj infarmacyi viedamstva, Biełaruś stała «zanadta niebiaśpiečnaj» dla naviedvańnia.
«MZS Vialikabrytanii vypuściła terminovaje papiaredžańnie svaim hramadzianam nie jeździć u Biełaruś i inšyja 7 krain. Raniej hetych krain u śpisie «nienaviedvańnia» nie było», — źviarnuli ŭvahu brytanskija miedyja.
Na aficyjnym sajcie brytanskaha ŭrada sapraŭdy źjaviłasia abnoŭlenaja infarmacyja pra Biełaruś (apošniaje abnaŭleńnie było vypuščana siońnia), pavodle jakoj kraina trapiła ŭ «čorny śpis» z paznakaj «zanadta niebiaśpiečnaja dla naviedvańnia brytanskimi turystami».
Taksama na sajcie napisana, što «Rasija pravodzić u Biełarusi vajskovyja apieracyi» i što «isnuje ryzyka raspaŭsiudžvańnia vajny va Ukrainie na biełaruskuju terytoryju».
Brytanski MZS padkreślivaje, što «nijakija padarožžy ŭ Biełaruś nie mohuć być harantavana biaśpiečnymi i što ŭ vypadku aryštu ci vajny Vialikabrytanija nie zmoža akazać tam dziejnuju dapamohu svaim hramadzianam».
Akramia Biełarusi, u śpis «nienaviedvańnia» trapili Rasija, Ukraina, Iran, Sudan, Izrail, Livan i paleścinskija terytoryi.
Samo znachodžańnie ŭ śpisie, adnak, nie źjaŭlajecca aficyjnaj zabaronaj na naviedvańnie pieraličanych krain, havorka idzie tolki pra «nastojlivuju rekamiendacyju».
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju4
Kamientary