Palitviazień Siarhiej Sparyš skardzicca na adsutnaść miedycynskaj dapamohi
Palitviaźnia Siarhieja Sparyša, paplečnika Mikoły Statkieviča, znoŭ źmiaścili ŭ mahiloŭskuju kałoniju № 15, dzie jon užo byŭ u pačatku hoda, adkul jaho nakiravali ŭ viaźnicu ŭ Baranavičach, piša Radyjo Svaboda.
«Napisaŭ, što z 9-ha ŭ Mahilovie. Čaho jon hetak časta vandruje tudy-siudy, nieviadoma. Paśla Baranavičaŭ znoŭ pabyvaŭ u kałonii pad Ivacevičami, a ciapier znoŭ u Mahilovie. Ale adznačaje, što tam kormiać lepš», — paviedamiła krynica ŭ siaredzinie krasavika.
Siarhiej Sparyš na zdaroŭje zbolšaha nie narakaje, ale jon skardziŭsia na toje, što doŭhi čas praź pierajezdy z adnoj kałonii ŭ inšuju nie moža vyrašyć prablemu z chvorymi zubami, jamu nie dajuć miedycynskuju dapamohu.
Siarhiej Sparyš — namieśnik staršyni niezarehistravanaj partyi «Narodnaja hramada», jakuju da aryštu ačolvaŭ palitviazień Mikałaj Statkievič. Jak i Mikałaja Statkieviča, Siarhieja Sparyša aryštavali jašče da prezidenckich vybaraŭ, u červieni 2020 hoda.
U 2021 hodzie Sparyša sudzili pa tak zvanaj spravie telehram-kanału «Armija s narodom» i pryznali vinavatym pavodle troch artykułaŭ Kryminalnaha kodeksa, u tym liku 191-ha (pieraškadžeńnie ažyćciaŭleńniu vybarčych pravoŭ). Siarhiej Sparyš byŭ asudžany da 6 hadoŭ źniavoleńnia.
Svajoj viny ni pa adnym z abvinavačańniaŭ Siarhiej Sparyš nie pryznaŭ, biełaruskija pravaabaroncy pryznali jaho palitviaźniem.
Pieršuju pałovu terminu Siarhiej Sparyš adbyŭ u PK-22 pad Ivacevičami.
-
«Imia Karatkieviča — instrumient u brudnych rukach, dubina ŭ palityčnych bojkach». Što prapahanda adkazała nakont zaniadbanaha doma siamji kłasika
-
Palitviazień ažaniŭsia z kachanaj pa pierapiscy — raźvialisia praz dva miesiacy na voli
-
Jak vyžyć u anamalnuju śpioku. Niečakanyja, ale dziejsnyja parady navukoŭcaŭ
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy6
Kamientary