«Kibierpartyzany» vydalili ŭsich padpisčykaŭ asnoŭnaha kanała. Što adbyvajecca?
Dniami z asnoŭnaha kanała «Kibieraŭ» byli vydalenyja bolš za 25 tysiač padpisčykaŭ. Daviedalisia, što zdaryłasia i jak možna ciapier čytać naviny inicyjatyvy.
17 krasavika na kanale «Kibierpartyzanaŭ» źjaviłasia abjava pra toje, što ŭsie padpisčyki kanała buduć vydalenyja. Čytačoŭ zaklikali pierachodzić u novy kanał. My raspytali ŭ ich, čamu tak adbyłosia:
«Čałaviek, jaki byŭ uładalnikam kanała, peŭny čas nie vychodziŭ na suviaź.
My byli vymušanyja realizavać pryniatyja hrupaj pratakoły biaśpieki, vydalili ŭsich padpisčykaŭ i zaklikali pierachodzić u novy kanał.
U hetaha čałavieka była adzinaja rola — vałodańnie kanałam. Usie astatnija resursy «Kibierpartyzanaŭ» nikoli nie byli jamu dastupnyja. Navat jon nie bačyŭ poŭny śpis padpisantaŭ, bo sami naładki Telegram dapuskajuć adlustroŭvańnie tolki 200 padpisčykaŭ. Akramia taho, jon nie mieŭ dostupu ni da jakich adčuvalnych danych.
Niadaŭna ŭładalnik vyjšaŭ z nami na suviaź. Rastłumačyŭ, što nie pisaŭ pa asabistych abstavinach.
Z astatnimi kanałami, akramia najbolšaha, usio dobra. Ciapier maje sens padpisvacca na novy kanał — zaraz tut buduć usie asnoŭnyja naviny z žyćcia hrupy, infarmacyja pra novyja źlivy i ŭzłomy. Taksama nahadvajem naš kanał pa kibierbiaśpiecy, dzie my publikujem šmat karysnych materyjałaŭ na temu biaśpieki ŭ ličbavaj prastory».
«Naša Niva» — bastyjon biełaruščyny
PADTRYMAĆ
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary