«Кіберпартызаны» выдалілі ўсіх падпісчыкаў асноўнага канала. Што адбываецца?
Днямі з асноўнага канала «Кібераў» былі выдаленыя больш за 25 тысяч падпісчыкаў. Даведаліся, што здарылася і як можна цяпер чытаць навіны ініцыятывы.
17 красавіка на канале «Кіберпартызанаў» з'явілася аб'ява пра тое, што ўсе падпісчыкі канала будуць выдаленыя. Чытачоў заклікалі пераходзіць у новы канал. Мы распыталі ў іх, чаму так адбылося:
«Чалавек, які быў уладальнікам канала, пэўны час не выходзіў на сувязь.
Мы былі вымушаныя рэалізаваць прынятыя групай пратаколы бяспекі, выдалілі ўсіх падпісчыкаў і заклікалі пераходзіць у новы канал.
У гэтага чалавека была адзіная роля — валоданне каналам. Усе астатнія рэсурсы «Кіберпартызанаў» ніколі не былі яму даступныя. Нават ён не бачыў поўны спіс падпісантаў, бо самі наладкі Telegram дапускаюць адлюстроўванне толькі 200 падпісчыкаў. Акрамя таго, ён не меў доступу ні да якіх адчувальных даных.
Нядаўна ўладальнік выйшаў з намі на сувязь. Растлумачыў, што не пісаў па асабістых абставінах.
З астатнімі каналамі, акрамя найбольшага, усё добра. Цяпер мае сэнс падпісвацца на новы канал — зараз тут будуць усе асноўныя навіны з жыцця групы, інфармацыя пра новыя злівы і ўзломы. Таксама нагадваем наш канал па кібербяспецы, дзе мы публікуем шмат карысных матэрыялаў на тэму бяспекі ў лічбавай прасторы».
«Наша Нiва» — бастыён беларушчыны
ПАДТРЫМАЦЬЦяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары