Žuraviny ŭ cukry, hryljaž i zhuščonka. Biełaruska adšukała ajčynnyja pradukty na varšaŭskim rynku
Biełaruska Nastaśsia adšukała biełaruskija tavary na varšaŭskim rynku Bazar Olimpia. Akazałasia, u polskaj stalicy možna kupić rahačoŭskuju zhuščonku, žuraviny ŭ cukry i navat cukierki hryljaž. Vałodaje handlovym punktam siamja z Ukrainy. Pra ŭdałuju kuplu dziaŭčyna raskazała niekalki tydniaŭ tamu ŭ instahramie, piša Most.
Nastaśsia raskazaaje, što na rynku jość usio, a ceny na mnohija tavary značna nižejšyja, čym u kramach. Ale handlovyja miescy ŭjaŭlajuć saboj, miarkujučy pa videa, pieravažna raskładnyja stały pad adkrytym niebam abo pad naviesami. Častka asartymientu raskładzienaja prosta na ziamli.
«Siudy treba pryjechać chacia b dla taho, kab adčuć vajb dzievianostych», — havoryć dziaŭčyna.
Abyšoŭšy pryłaŭki z praduktami charčavańnia, adzieńniem, abutkam i inšym šyrspažyvam (tut, na dumku dziaŭčyny, «možna sabrać čałavieka pa častkach»), Nastaśsia znajšła stolik ź biełaruskimi i ŭkrainskimi praduktami — jon staić kala płota ź sietki.
Siarod biełaruskich tavaraŭ — ziefir, paściła, chałva, cukierki i navat ałkahol. Ceny, viadoma, vyšejšyja, čym u Biełarusi, ale, sa słoŭ Anastasii, nie krytyčna.
«Dla tych, chto nie moža źjeździć dadomu (kab nie vyjenčvać hetuju blašanku zhuščonki ŭ znajomych), hety punkt na rynku prosta znachodka», — kaža dziaŭčyna.
Pryjazdžać na rynak Nastaśsia rekamienduje pa niadzielach. Rynak adkryty z 06:00 da 15:00, ale dziaŭčyna papiaredžvaje, što ŭžo da 13:00 niekatoryja pradaŭcy pačynajuć składać tavar, tamu raić pryjazdžać z ranicy.
Mierkavańni kamientataraŭ padzialilisia. Mnohija zacikavilisia miescam. Inšyja ž miarkujuć, što rynak u takim vyhladzie — hańba dla polskaj stalicy, ceny na biełaruskija tavary zavyšanyja, a kupcam rajać uvažliva sačyć za terminami prydatnaści praduktaŭ charčavańnia.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary