Chłopčyk złamaŭ pazvanočnik u batutnym centry ŭ Minsku. Adnak dabicca kampiensacyi ŭ sudzie nie ŭdałosia, voś čamu
Dzieviacihadovy chłopčyk złamaŭ pazvanočnik u staličnym batutnym parku Hero Park. Baćki pajšli ŭ sud, adnak nie zmahli dabicca kampiensacyi ad administracyi parku zabaŭ, raspavioŭ telekanał ANT.
Mirasłaŭ chacieŭ adśviatkavać svoj dziaviaty dzień naradžeńnia na batutach. U batutnym parku Hero Park na praśpiekcie Dziaržynskaha jon byŭ pad nahladam baćkoŭ. U čas skačku z vyšyni ŭ parałonavuju jamu jon paškodziŭ śpinu.
MRT pakazała adrazu niekalki złamanych pazvankoŭ.
Sudovaje raźbiralnictva skončyłasia nie na karyść hetaj siamji: baćki pierad sieansam staviać podpis ab svajoj adkaznaści za dzicia. Piersanał parka zapeŭnivaje, što ŭsie horki i batuty rehularna prachodziać techabsłuhoŭvańnie, a za dziećmi na arenie sočać treniery i papiaredžvajuć, što nielha skakać ź vialikaj vyšyni.
Traŭmatołah-artapied Andrej Jaraševič raspavioŭ, što dzieci i padletki niaredka atrymlivajuć na batucie traŭmy, u tym liku kaniečnaściej i pajaśničnaha adździeła pazvanočnika.
— Praktyčna kožnaje treciaje dzicia z batutnaha centra pryjazdžaje da nas z toj ci inšaj stupieńniu paškodžańnia pazvanočnika, — raspavioŭ miedyk.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ76
Kamientary
Včiera dievočka vo dvorie ruku v skamiejku zasunuła i zastriała. Skamiejki zaprietiť? A jeśli v trubu otoplenija zasuniet - truby otoplenija śpiliť i zaprietiť? Jeŝio nado doma vyšie dvuch etažiej śniesti. Tožie dieti iz okon pieriodičieski padajut. Mašiny zaprietiť - dieti pod mašiny popadajut riehularno.
Itoho: vaš dom śniesti, priedstavlajet opasnosť padienija dla dietiej, vašu mašinu likvidirovať - pod nieje v luboj momient možiet popasť riebionok.