Prakopjeŭ, Kołb, Žamčužny. 400 biełarusaŭ dadali ŭ rasijskuju bazu vyšuku za try miesiacy

«Miedyjazona» abnaviła śpis biełarusaŭ, jakich šukajuć u Rasii.

Dobraachvotniki

Za try miesiacy ŭ vyšuk dadali kala 30 biełarusaŭ, jakija źviazany z dobraachvotnickimi padraździaleńniami va Ukrainie. Siarod ich — zahinułyja ŭ bai eks-palitviazień Vasil Parfiankoŭ i Daniił Lašuk.

U śpisie paznačany Arciom Vojnič — adzin z zasnavalnikaŭ i načalnik štaba pałka imia Kastusia Kalinoŭskaha z pazyŭnym «Vaniš», eks-milicyjant Viačasłaŭ Hranoŭski, minamiotčyk «Alhierd» Aleh Aŭčyńnikaŭ, salihorac Vasil Vieramiejčyk, kamandzir bataljona Ihnat Kirejeŭ, Ivan Tamaševič, Juryj Satanoŭski, Dźmitryj Pałojka, Dźmitryj Biełahorcaŭ i Rudolf Jahorenka, palitviazień 2011 hoda Alaksandr Małčanaŭ, jaki sarvaŭ čyrvona-zialony ściah z budynka KDB u Minsku, Ihar Klaŭko, kiraŭnik mabilizacyjnaha punkta pałka, brat zahinułaha padčas pratestaŭ maładziečanca Mikity Kryŭcova Pavieł Kuchto.

U vyšuk abvieščanyja i inšyja bajcy, čyje imiony možna znajści ŭ źlivie praŭładnych chakieraŭ — Jaŭhien Bundzialejeŭ, Ihar Kučaravienka, Viačasłaŭ Radziuk, Alaksiej Nazaraŭ, Dźmitryj Łyskovič, Alaksandr Paźniak i inšyja.

Taksama adšukvajucca Alaksandr Stralcoŭ, jaki braŭ udzieł u terabaronie, i byłaja vajskoŭka Vieranika Janovič.

Palitźniavolenyja

Bolš za 30 imionaŭ z 400 — byłyja palitviaźni. Siarod ich: byłaja hałoŭnaja redaktarka vydańnia «Novy Čas» Aksana Kołb, Alaksandr Šyško, vyzvaleny ŭ lutym 2024 hoda Mikałaj Jaromski, maładziečaniec Siarhiej Sidarovič, fihuranty karahodnaj spravy Vital Bryćko, Andrej Laško, Alesia Kramčanina i Illa Jahoraŭ, mazyrčuk Siarhiej Koršak, prahramist Andrej Paźniak, bartendar Vasil Cialenčanka, Andrej Marcinovič, uradženiec Ukrainy Dzianis Kniazieŭ, vilajčanin Ihar Sankievič, Kanstancin Šyško, akcior Andrej Tryzubaŭ, uradženiec rasijskaha Omska Illa Łubianaŭ, hrodzieniec Ściapan Vasilevič, minčanin Maćviej Budnicki i Pavieł Dubaŭ, režysior Juryj Radźkoŭ, aktyvist Illa Mironaŭ, muzykant Uładzisłaŭ Navažyłaŭ, Palina Laško, Taćciana Pietrukovič, Maryja Babovič, minčanka Kaciaryna Jeŭdakimava.

U bazu vyšuku trapili palitviaźni Illa Čudzin i Jaŭhien Ivancoŭ; ich prysudy nieviadomyja. Šukajuć i Michaiła Žamčužnaha, jaki vyjšaŭ na volu ŭ 2021 hodzie, i zatrymanuju ŭ lutym uradženku Naroŭli, jakaja žyła ŭ Litvie, Taćcianu Arachoŭskuju.

Šukajuć i zavočna asudžanych da dvuch hadoŭ kałonii Alaksandra Ciarluka, Anatola Astroŭskaha i Viktara Puzana.

Advakatka, palityki, aktyvisty

U vyšuk abvieščany asudžany da 25 hadoŭ zavočna palityk i błohier Vadzim Prakopjeŭ, zasnavalnik Fondu dapamohi Okno na Wschód Pavieł Mickievič, suprać jakoha raspačataja «śpiecvytvorčaść», aktyvist «Maładoha Frontu» Vital Ciščanka i sustaršynia arhanizacyi Andrej Cianiuta.

U śpisie apynuŭsia doktar-reanimatołah Uładzimir Martaŭ. U vyšuk abvieščanyja pazbaŭlenaja licenzii advakatka Alena Šynkarevič i sudździa Alaksiej Packo, pravaabaronca Alena Maślukova.

Šukajuć aktyvistaŭ Ihara Słučaka i Alinu Nahornuju, aktyvista Filipa Šaŭrova, redaktara internet-vydańnia «Vitiebskij kuŕjer news» Alaksandra Kornyšava, davieranuju asobu kandydata ŭ prezidenty Hanny Kanapackaj Ježy Hryhienčy, aktyvistku AHP nadzieju Hacak, Juliju Čuryłovič, śviatara z Hrodna Hieorhija Roja. Siłaviki šukajuć žonku žurnalista Źmitra Łupača Kaciarynu i žonku palitviaźnia Paŭła Mažejki Irynu Čarniaŭku. Dyzajnierku Irynu Chvajnickuju, muzyku Hannu Lapiaškievič i Maryju Rohavu, suprać jakoj pačali «śpiecyjalnuju vytvorčaść».

U vyšuk abvieščany pinčuk Siarhiej Siańko, jaki pierasiok miažu z Ukrainaj i zapisaŭ videa z prośbaj ab palityčnym prytułku, Valeryj Ślapuchin, jaki pierajechaŭ z Homiela ŭ Kijeŭ.

• 3
• 0
• 2
• 2
• 1
• 1
• 19
• 0