U kanałach, jakija «viadzie sudździa Šmit», śmiešnaja polskaja mova
Polski pierabiežčyk aktyŭna viadzie svaje kanały ŭ sacyjalnych sietkach. Voś tolki dapuskaje pamyłki ŭ polskaj movie.
Tomaš Šmit aktyŭna viadzie svaje akaŭnty ŭ telehramie, tvitary i fejsbuku.
Usie jany źjavilisia tolki ŭ mai 2024 hoda, paśla taho jak jon vynyrnuŭ u Biełarusi. Naprykład, u telehramie kanał byŭ stvorany 3 maja, a pieršy zapis u im datujecca 6 maja.
Adnak zapisy, apublikavanyja na polskaj movie karennym palakam, utrymlivajuć moŭnyja i stylistyčnyja pamyłki, typovyja dla rasiejskamoŭnych ludziej.
Pamyłki nastolki vidavočnyja, što na ich źviartajuć uvahu i nie palaki, naprykład, biełaruski žurnalist Dźmitry Hurnievič.
Polski navukoviec, supracoŭnik Jahiełonskaha ŭniviersiteta Michał Marak (Michał Marek) taksama źviartaje ŭvahu na značnuju aktyŭnaść pa papularyzacyi akaŭnta Šmita ŭ Ch:
«Aficer, jaki kiruje akaŭntam Tomaša Šmita, nie tolki dapuskaje pamyłki adnosna polskaj movy, ale i analizuje efiektyŭnaść svaich dziejańniaŭ i dakładna aryjentujecca na Ch/Twitter».
Funkcjonariusz prowadzący konta Tomasza Szmydta nie tylko popełnia błędy dot. języka polskiego, lecz analizuje skuteczność swoich działań i wyraźnie stawia na X/Twitter.
Konto rozwijane na tej platformie gwałtownie się rozwija (liczba obserwujących), co nie jest dla nas… pic.twitter.com/k5G8IS83IT
Pa słovach Maraka, takoha nie nazirałasia ŭ vypadku Emila Čečki i polskaha błohiera Marcina Mikałajčyka, jaki ŭ kancy 2022 hoda paprasiŭ palityčnaha prytułku ŭ Rasii.
«Vyhladaje na toje, što byli zrobleny vyvady, i ciapier skancentravalisia na vykarystańni papiaredniaha analizu ŭ halinie tarhietynhu akaŭntaŭ, jakija mahli b dapamahčy Minsku i Maskvie ŭ praviadzieńni apieracyj».
Jak tłumačyć ekśpiert polskaha vydańnia Konkret 24, atrymalnikami infarmacyi pavinny stać tyja palaki, jakija hatovyja pryniać antyŭkrainskija i ŭmierana prarasijskija naratyvy.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ2
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary