Польскі перабежчык актыўна вядзе свае каналы ў сацыяльных сетках. Вось толькі дапускае памылкі ў польскай мове.
Томаш Шміт актыўна вядзе свае акаўнты ў тэлеграме, твітары і фэйсбуку.
Усе яны з'явіліся толькі ў маі 2024 года, пасля таго як ён вынырнуў у Беларусі. Напрыклад, у тэлеграме канал быў створаны 3 мая, а першы запіс у ім датуецца 6 мая.
Аднак запісы, апублікаваныя на польскай мове карэнным палякам, утрымліваюць моўныя і стылістычныя памылкі, тыповыя для расейскамоўных людзей.
Памылкі настолькі відавочныя, што на іх звяртаюць увагу і не палякі, напрыклад, беларускі журналіст Дзмітры Гурневіч.
Польскі навуковец, супрацоўнік Ягелонскага ўніверсітэта Міхал Марак (Michał Marek) таксама звяртае ўвагу на значную актыўнасць па папулярызацыі акаўнта Шміта ў Х:
«Афіцэр, які кіруе акаўнтам Томаша Шміта, не толькі дапускае памылкі адносна польскай мовы, але і аналізуе эфектыўнасць сваіх дзеянняў і дакладна арыентуецца на Х/Twitter».
Funkcjonariusz prowadzący konta Tomasza Szmydta nie tylko popełnia błędy dot. języka polskiego, lecz analizuje skuteczność swoich działań i wyraźnie stawia na X/Twitter.
Konto rozwijane na tej platformie gwałtownie się rozwija (liczba obserwujących), co nie jest dla nas… pic.twitter.com/k5G8IS83IT
Па словах Марака, такога не назіралася ў выпадку Эміля Чэчкі і польскага блогера Марціна Мікалайчыка, які ў канцы 2022 года папрасіў палітычнага прытулку ў Расіі.
«Выглядае на тое, што былі зроблены вывады, і цяпер сканцэнтраваліся на выкарыстанні папярэдняга аналізу ў галіне таргетынгу акаўнтаў, якія маглі б дапамагчы Мінску і Маскве ў правядзенні аперацый».
Як тлумачыць эксперт польскага выдання Konkret 24, атрымальнікамі інфармацыі павінны стаць тыя палякі, якія гатовыя прыняць антыўкраінскія і ўмерана прарасійскія наратывы.
Цяпер чытаюць
Памілаваныя 15 чалавек, сярод якіх 13 палітвязняў2
Каментары