U Dzień palitviaźnia volnyja kupałaŭcy zładziać dabračynny pakaz prajektu «Słova z-za krataŭ»
U Dzień palitviaźnia, 21 traŭnia, teatralnaja hrupa «Volnyja kupałaŭcy» zładzić u Varšavie dabračynny pakaz prajektu «Słova z-za krataŭ». Usie srodki ad prodažu kvitkoŭ buduć pieradadzienyja inicyjatyvie «Palitviazynka» dla dapamohi dzieciam i siemjam palitviaźniaŭ, piša Biełsat.
«Słova z-za krataŭ» składajecca ź vieršaŭ, prozy i frahmientaŭ listoŭ, napisanych biełaruskimi palitviaźniami. Mastackaje azdableńnie śpiektaklu zrabiła Alaksandra Kanafalskaja, režysior — Alaksandr Harcujeŭ.
Dabračynny pakaz prymierkavany da Dnia palitviaźnia, što adznačajecca 21 traŭnia. U hety dzień u 2021 hodzie ŭ škłoŭskaj kałonii zahinuŭ Vitold Ašurak. Ź niavoli jon pisaŭ ščymlivyja listy da svajoj maci, niekatoryja ź ich uvajšli ŭ prajekt «Słova z-za krataŭ».
«Nabyŭšy kvitok, vy aŭtamatyčna ŭdzielničajecie ŭ važnaj spravie. «Volnyja kupałaŭcy» pieradaduć usie hrošy ad prodažu kvitkoŭ inicyjatyvie «Palitviazynka» na dapamohu dzieciam i svajakam palitviaźniaŭ.
Samaje minimalnaje, što my možam rabić dla tych, chto ciapier u niavoli, dla tych, kaho pazbaŭlajuć baćkoŭskich pravoŭ, dla tych, chto amal nie maje suviazi sa źniešnim śvietam, — heta hartavać svaju volu i dzialicca infarmacyjaj pra biełaruskich palitviaźniaŭ pa ŭsim śviecie, pisać im listy i padtrymlivać ich rodnych i dziaciej. Im nieabchodnaja našaja ŭvaha», — adznačaje tvorčy kalektyŭ prajektu.
Dabračynny pakaz adbudziecca 21 maja a 19:00 u Muziei volnaj Biełarusi, Varšava, Foksal 11.
Kvitki možna nabyć pa spasyłcy.
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ4
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary