Ab špitalizacyi zasłužanaha katalickaha ijerarcha ničoha nie paviedamlałasia.
Arcybiskup emieryt Tadevuš Kandrusievič niadaŭna vyjšaŭ sa špitala paśla pieraniesienaha infarktu i apieracyi na sercy. Pra heta stała viadoma 23 maja sa zhadki ŭ publikacyi Catholic.by ab sustrečy duchavienstva Minska-Mahiloŭskaj archidyjacezii ŭ Budsłavie.
Ab špitalizacyi zasłužanaha ijerarcha ničoha nie paviedamlałasia, taksama nie było i zakliku da viernikaŭ ab malitvie za vyzdaraŭleńnie arcybiskupa-emieryta, piša katolik.life.
Z 8 krasavika pa 15 maja infarmacyi ab adpraŭleńni śviatoj imšy arcybiskupam Tadevušam nie źjaŭlałasia.
Nahadajem, zasłužanamu ijerarchu — 78 hadoŭ. U lutym 2024 hoda jon trapiŭ u balnicu z dyjahnazam mihacielnaja arytmija serca i prachodziŭ kurs lačeńnia — tady miedyki paśpiachova pryviali ŭ normu rytm serca.
U lutym 2023 hoda arcybiskup Tadevuš Kandrusievič pieranios apieracyju pa vydaleńni puchliny.
Kamientary