Stryžak: Majem vypadak pazbaŭleńnia hramadzianstva za palityku
Pra sam hety fakt paviedamiŭ u fejsbuku kiraŭnik fondu Bysol Andrej Stryžak, praŭda, nie daŭšy asablivych padrabiaznaściaŭ i nie nazvaŭšy imia čałavieka, ź jakim heta adbyłosia.
U kamientary «Našaj Nivie» Stryžak udakładniŭ tolki, što pazbaŭleny ciapier hramadzianstva čałaviek atrymaŭ biełaruskaje hramadzianstva ŭ 1991 hodzie aŭtamatyčna paśla zdabyćcia Biełaruśsiu niezaležnaści, ale mieŭ peŭnyja «niuansy» z farmalnaściami pry afarmleńni.
«Niuansy» jakraz i stali farmalnaj padstavaj dla takoha rašeńnia, ale realna sprava ŭ hramadzianskim aktyviźmie hetaha čałavieka.
Sam čałaviek daviedaŭsia pra pazbaŭleńnie jaho hramadzianstva z paviedamleńnia biełaruskich aficyjnych orhanaŭ. Ciapier hety čałaviek znachodzicca ŭ biaśpiecy, to-bok nie ŭ Biełarusi.
U kamientarach da pasta Stryžaka zhadali, što ŭ 2010 hodzie biełaruskaha hramadzianstva ŭžo byŭ pazbaŭleny žurnalist Pavieł Šaramiet. Ale tady aficyjnaj padstavaj dla hetaha stała najaŭnaść u Paŭła druhoha hramadzianstva — rasijskaha.
Kamientary