«Nie treba bajacca». Sierhiejenka zaklikaŭ biełarusaŭ, jakija źjechali, viartacca
Eks-kiraŭnik administracyi Łukašenki, a ciapier kiraŭnik Pałaty pradstaŭnikoŭ Ihar Sierhiejenka zaklikaŭ biełarusaŭ viartacca na radzimu. Na jahonuju dumku, luby, chto choča viarnucca ŭ rodnyja miaściny, moža viarnucca. Ale tolki kali jon «nie ździajśniaŭ supraćpraŭnych dziejańniaŭ», piša «Sojuznoje viečie».
Sierhiejenka vykazaŭ mierkavańnie, što mnohija biełarusy viartajucca na radzimu, abychodziačy kamisiju pad kiraŭnictvam hienprakurora Švieda.
«Nie treba razhladać usich jak vorahaŭ. Jość siarod ich i prosta zabłukałyja. Zrešty, času z tych časoŭ prajšło dastatkova, i, dumaju, vyznačycca z palityčnaj pazicyjaj i svaim dalejšym losam jany ŭžo całkam mahli», — miarkuje Sierhiejenka.
Eks-namieśnik staršyni KDB ličyć, što žyć na čužynie niaprosta.
«Tak, mnohija zrazumieli, jak niaprosta tam, na čužynie, siabie znajści, pracaŭładkavacca, zaniać miesca ŭ žyćci. Niekatoryja, ja dumaju, za kardonam i pakutujuć, i viartacca bajacca. Takich, napeŭna, siarod «źbiehłych» užo bolšaść. Ale bajacca nie treba. Viartajciesia!» — zaklikaŭ Sierhiejenka.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary