Ciahnik ź mihrantami zatrymali ŭ Kuźnicy: jany chacieli trapić u Polšču ŭ hruzavym vahonie
U čyhunačnym pamiežnym punkcie propusku «Kuźnica» (z biełaruskaha boku «Bruzhi») polskija mytniki vyjavili čatyroch mihrantaŭ. Jany sprabavali pierasiekčy miažu ŭ paŭvahonach hruzavoha ciahnika z kieramzitam, zakapaŭšysia niehłyboka ŭ hruz. Zatrymanych pieradali supracoŭnikam Pamiežnaj achovy ŭ Kuźnicy. Pra heta Hrodna.life paviedamiła pres-sakratarka Padlašskaha adździeła Pamiežnaj achovy Kaciaryna Zdanovič.
Adzin ź mihrantaŭ maje zabaronu na ŭjezd u dźvie krainy Jeŭrasajuza z-za kradziažoŭ i hvałtu
Zatrymanyja mužčyny — hramadzianie Ałžyra, jakim ad 21 da 29 hadoŭ. Adnamu ź ich u 2020 hodzie vydali rašeńnie ab vysyłcy i zabaronie na ŭjezd na 10 hadoŭ. Pryčyna zabarony — chatni kradziež z prymianieńniem hvałtu i pahroz. Taksama mužčynu asudzili na vosiem miesiacaŭ pazbaŭleńnia voli ŭ 2018 hodzie ŭ bielhijskim Bruhie.
Hety mužčyna sprabavaŭ padacca na mižnarodnuju abaronu ŭ Niderłandach. Ale abaronu jon nie atrymaŭ, bo ŭ Niderłandach jaho asudzili za hvałt u dačynieńni da słužbovych asobaŭ i ŭdzieł u mihrujučaj złačynnaj hrupie, jakaja zajmałasia kradziažami, hvałtam i pahrozami. Z-za hetaha ałžyrcu na dva hady zabaranili ŭjezd u krainu.
Što budzie ź mihrantami?
U adnosinach da čatyroch ałžyrcaŭ raspačali administracyjnuju spravu. U vyniku im zabaranili ŭjezd na terytoryju Šenhienskaj zony na piać hadoŭ. Taksama im vydali rašeńnie ab abaviazku viernucca ŭ krainu pachodžańnia. Da času vyjezdu z Polščy ich raźmiaścili ŭ achoŭny centr dla zamiežnikaŭ.
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam1
Kamientary