Prezident Rumynii adklikaŭ kandydaturu na pasadu hienieralnaha sakratara NATA
Takim čynam zastałasia tolki adna kandydatura na pasadu kiraŭnika Paŭnočnaatłantyčnaha aljansu.
Prezident Rumynii Kłaŭs Jochanes adklikaŭ svaju kandydaturu na pasadu hienieralnaha sakratara NATA, paviedamlajuć rumynskija ŚMI.
Takim čynam adzinaj kandydaturaj zastajecca premjer Niderłandaŭ Mark Rute.
Pakolki NATA prymaje takija rašeńni na asnovie kansensusu, to kandydatu patrebna padtrymka ŭsich 32 sajuźnikaŭ.
Niadaŭna Rute atrymaŭ padtrymku tradycyjnych «mocnych areškaŭ» Vienhryi i Słavakii, a tamu jamu zastavałasia ŭhavaryć tolki Rumyniju.
Niderłandskaje infarmahienctva NOS abapirajučysia na infarmavanyja krynicy, śćviardžaje, što Mark Rute źmienić Stołtenbierha ŭ kastryčniku.
Mark Rute — paśladoŭny prychilnik padtrymki Ukrainy i aktyŭnaha supraćdziejańnia pucinskaj Rasii. Pad kiraŭnictvam Rute Niderłandy abviaścili ab vydzialeńni Ukrainie dapamohi ŭ pamiery 5,6 młrd jeŭra, u tym liku na pastaŭki ŭzbrajeńniaŭ — 4,3 młrd jeŭra. Pa hetych pakazčykach kraina zajmaje, pavodle danych Kilskaha instytuta suśvietnaj ekanomiki, 7-je i 5-je miescy. Pry hetym u niekatorych pytańniach Niderłandy byli lidaram, u pryvatnaści, jany pieršymi pahadzilisia pieradać Kijevu źniščalniki F-16.
Praz amal hod paśla rasijskaha ŭvarvańnia va Ukrainu Rute papiaredžvaŭ padčas vystupu ŭ Atłantyčnaj radzie:
«Navat kali my na adno imhnieńnie ŭjavim sabie, što Pucin moža atrymać pośpiech va Ukrainie… Tam heta ŭsio nie skončycca, jon budzie praciahvać. Hety ŭrok nam dała historyja».
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia16
Kamientary