Ci stała bolej paśla karanavirusa sardečna-sasudzistych zachvorvańniaŭ? Voś što zaŭvažyli biełaruskija daktary
Nie darma ŭ miedycynie ŭviali termin «postkavidny sindrom».
Dyrektarka RNPC «Kardyjałohija» Natalla Mićkoŭskaja zhadała, jak u pačatku pandemii COVID-19 joj zvanili kanadskija kalehi i raskazvali ab vysokich pakazčykach paražeńnia sardečna-sasudzistaj sistemy. U toj čas u biełaruskich ustanovach asnoŭnaja ŭvaha nadavałasia patałohijam lohkich, bo mienavita jany byli pryčynaj značnaj śmiarotnaści.
«U vyniku [pandemii] my majem prablemy z centralnaj niervovaj, sardečna-sasudzistaj, imunnaj sistemami. Vidavočna bolš vysokaje zachvorvańnie na zvyčajnyja virusnyja infiekcyi ŭ postkavidny pieryjad. Nie darma ŭ miedycynie ŭviali termin «postkavidny sindrom», —
adznačyła Mićkoŭskaja ŭ intervju na «Biełaruś 1».
Pa słovach doktarki, postkavidny sindrom charaktaryzujecca takimi prajavami, jak słabaść, źnižeńnie pamiaci, vynoślivaści fizičnych nahruzak, arytmija.
Mićkoŭskaja dała rekamiendacyi ludziam, jaki chvareli na kavid. U pieršuju čarhu — vieści zdarovy ład žyćcia:
«Čałaviek pavinien spynić kureńnie, mienš užyvać ałkahol, bolš ruchacca, byvać na śviežym pavietry. Heta banalnyja rečy. Pasprabujcie ich realizavać».
Kamientary