Hajdukievič paabiacaŭ zrabić u domie Pavuka ŭ Akciabrskim hramadskuju pryjomnuju svajoj partyi
Błohier Andrej Pavuk patelefanavaŭ palityku, jaki padaŭ na jaho pazoŭ ab maralnaj kampiensacyi.
Akramia 12-hadovaha terminu, Andreju Pavuku prysudzili vypłatu hrašovaj kampiensacyi maralnaj škody, naniesienaj šerahu hramadzian. Siarod ich i staršynia praŭładnaj Libieralna-demakratyčnaj partyi Aleh Hajdukievič.
Pavuk pazvaniŭ Hajdukieviču, kab daviedacca, nakolki toj paciarpieŭ ad jaho «ekstremisckaj dziejnaści». Razmovu błohier vykłaŭ u novym vypusku svajho šou na «Biełsacie».
Hajdukievič nie adrazu zrazumieŭ, chto jaho maralna pryniziŭ. Pavuk nahadaŭ, što staršynia ŁDPB napisaŭ na jaho zajavu ŭ sud ab kampiensacyi maralnaj škody ŭ pamiery 20 tysiač rubloŭ.
— Ty ž nie dasi mnie 20 tysiač. My ciabie pasadzim, a potym užo zapłaciš! — zaŭvažyŭ Hajdukievič.
— Tak ty maralna pakutuješ, Aleh? — spytaŭ Pavuk i pačuŭ u adkaz: «Ja — nie. Ja ščaślivy». Na što błohier pasprabavaŭ udakładnić, navošta ŭ takim vypadku Hajdukievič padaŭ zajavu ab kampiensacyi.
— Ale hrošy, hrošy chaču! Hrošy ŭ dziciačy dom addać, kab ty zapłaciŭ. A ja ŭ dziciačy dom addam. Pryjazdžaj. Ja jašče raz havaru: adsiadziš, ja sam pachadajničaju, kab [ty] vyjšaŭ na dva hady raniej, — adkazaŭ palityk.
— Ty mnie maral tut svaju nie pakazvaj, ja chacieŭ spytać, čamu ty pakutuješ? — pasprabavaŭ viarnucca da svajho pytańnia Pavuk.
— Hrošy! Hrošy davaj. Kvateru ŭ ciabie zabiarom. Mašynu zabiarom, — razyšoŭsia Hajdukievič.
Pavuk prapanavaŭ palityku zabrać jaho kvateru ŭ pasiołku Akciabrski i pryjechać tudy žyć. Na heta Hajdukievič adkazaŭ:
«Nie, ja tam zrablu hramadskuju pryjomnuju partyi ŭ tvaim domie i budu tam zajmacca».
Kamientary
Jarmošyna taksama ŭsio hrošaŭ chacieła, i katedžaŭ u Drazdach. Dla dziaciej i budučych unukaŭ starałasia....