Palitviaźnia, jakoha padmanam vyciahnuli ŭ Biełaruś, chočuć pieravieści na turemny režym
Alaksandra Kulikova zatrymali 1 červienia 2023 hoda prosta na miažy pa viartańni z Polšy.
Mužčyna źjechaŭ ź Biełarusi praz palityčny pieraśled, ale paźniej siłaviki paabiacali jamu, što kali toj vierniecca, to jaho nie pazbaviać voli, piša «Viasna».
Spačatku jaho asudzili za kamientary ŭ «ekstremisckich» čatach. A praź niekalki miesiacaŭ jaho pačali sudzić užo za sprobu dałučycca da pałka Kalinoŭskaha va Ukrainie, a taksama za «prachodžańnie navučańnia dla ŭdziełu ŭ ekstremisckaj dziejnaści».
U śniežni Alaksandru kančatkova pryznačyli čatyry z pałovaj hady źniavoleńnia. U sakaviku stała viadoma, što prakuror apratestavaŭ prysud Kulikovu, u vyniku čaho jamu dadali da terminu 1,5 hoda.
Stała viadoma, što siońnia ŭ Ivacevičach adbyŭsia sud pa zamienie Alaksandru režymu ŭtrymańnia na turemny. Praces vioŭ sudździa Siarhiej Kuchackavolec. Vynik suda pakul nieviadomy.
Padtrymajcie palitviaźnia: PK № 22. 225295, Bresckaja vobłaść, h. Ivacevičy, st. Damanava, a/s 20
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary