«Heta my zrobim biez składanych reformaŭ».
U novym vypusku TOKu ŭ eks-kandydata ŭ prezidenty Alaksandra Milinkieviča pacikavilisia, što biełarusy mohuć dać Jeŭropie. Palityk nazvaŭ niekalki rečaŭ.
Pieršaja ź ich — heta biaśpieka.
«Zrazumieła, što demakratyja, pravy čałavieka, ekanomika — dobra. I treba dapamahać. Ale jany (jeŭrapiejskija krainy. — «NN») pra biaśpieku dumajuć. I jakraz dyktatury — samaje niebiaśpiečnaje z taho, što jość. Ciapier užo ŭsie heta razumiejuć. Navat prychilniki ćviordaj ruki. Jany razumiejuć, što dyktatura — heta viečnaja niebiaśpieka.
I tamu my im cikavyja, kab zrabić jašče adnu terytoryju, jakaja budzie biaśpiečnaja dla žyćcia ŭ Jeŭropie. Voś biaśpieku my zrobim, kali budziem rabić reformy, žyć pa zakonie. Heta my zrobim dakładna, biez składanych reformaŭ».
Akramia hetaha palityk ličyć, što Biełaruś pavinna adkrycca jak tranzitnaja kraina — «jakaja b ni była Rasija».
Treciaje, što biełarusy mohuć dać Jeŭropie, heta IT-śfiera.
«U nas kałasalny patencyjał IT. Usie viedajuć našu IT-škołu, choć niechta z nastaŭnikaŭ i vyjechaŭ», — śćviardžaje Milinkievič.
Palityk adznačaje taksama, što Jeŭropa chacieła b, kab u budučym Biełaruś dapamahała mianiać Rasiju — rabić jaje bolš demakratyčnaj i jeŭrapiejskaj.
Hladzicie całkam:
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki1
Kamientary