«Na rukach niasie naš narod». Praŭładnaja śpiavačka pryśviaciła pieśniu Łukašenku
U pieśni jość namiok na 2020 hod.
Novuju pieśniu «Pomnim» śpiavačka Hanna Trubiackaja prezientavała na BT. Muzyku napisaŭ kampazitar Jaŭhien Kiemieraŭski, a słovy Vital Hardziej. Ale idejnym natchnialnikam Trubiackaja ličyć siabie.
— U mianie ŭźnikła ideja napisać pieśniu-hłybu, u jakoj ja mahła b vykazać svajo staŭleńnie da krainy, da ŭsiaho, što adbyvajecca ŭ śviecie.
A paśla Hanna raskazała, što pryśviaciła pieśniu Łukašenku:
— Ja hetuju pieśniu pryśviačała prezidentu našaj krainy, jaki, jak dzicia, na rukach niasie ŭvieś naš narod, našu krainu, zaścierahaje jaje ad usiaho drennaha ŭ hetym śviecie. I ja padumała: «Čym ja, jak artystka, mahu być karysnaja krainie i prezidentu?». Zrazumieła, što mahu być karysnaja tym, što ja ŭsiu jaho luboŭ, usio jaho trapiatańnie da krainy, mahu pakazać u pieśni.
Biełaruś u pieśni nazyvajuć maleńkaj vyspaj, dzie praŭdaj vybrukavany šlach. Śpiavačka zaklikaje: «Pomni — i my nie sobjomsia s puti». Nu i kaniečnie, jak i ŭ kožnaj ideałahičnaj pieśni jość tut i pra «čistoje niebo lubimoj strany».
A hałoŭnymi radkami Hanna ličyć voś hetyja:
Tie, riadom kto byli, tiepieŕ chołodny.
No ja ich sudiť nie bieruś.
Daj Boh, čtob my žili bieź śloz i vojny,
Hospodi, sochrani Biełaruś.
Artystka kaža, što mienavita tut vykazała svajo staŭleńnie da taho, što adbyvajecca ŭ krainie. I jašče raz padkreśliła, što pieśnia «Pomnim» pryśviečana Łukašenku.
Nahadajem: u 2022 hodzie Hanna Trubiackaja atrymała Hran-pry «Słavianskaha bazaru». Ciapier jeździć ź inšymi ideałahična vyvieranymi artystami pa roznych haradach i ŭdzielničaje ŭ dyjałohavych placoŭkach prapahandysckaha prajekta «Razam z mastactvam».
Kamientary