U Biełarusi zatrymali litoŭca, jaki abvinavačvajecca na radzimie ŭ zabojstvie
Vajskoŭcy Smarhonskaj pamiežnaj hrupy zatrymali 41-hadovaha litoŭca, jaki chavajecca na terytoryi Biełarusi ad kryminalnaha pieraśledu ŭ Litvie. Incydent adbyŭsia 28 červienia ŭ Hrodnie, paviedamiŭ Dziaržaŭny pamiežny kamitet.
Zatrymany mužčyna abvinavačvajecca ŭ tym, što zabiŭ u litoŭskim Salečnickim rajonie miascovaha žychara. Raniej jon užo siadzieŭ u turmie za roznyja złačynstvy, u tym liku i za zabojstvy.
Pavodle papiarednich źviestak, paśla ździajśnieńnia zabojstva hramadzianin Litvy źbieh u Biełaruś, dzie jamu dapamahli z dastaŭkaj i zdymnaj kvateraj u Hrodnie.
Pa fakcie arhanizacyi niezakonnaha ŭjezdu, a taksama znachodžańnia litoŭca na terytoryi Biełarusi zaviedzienaja kryminalnaja sprava, pa jakoj taksama zatrymanyja ŭ jakaści padazravanych dva hramadzianina Biełarusi.
Paśla praviadzieńnia ŭsich nieabchodnych pracesualnych dziejańniaŭ, jak paviedamlajecca, inšaziemca čakaje departacyja ŭ Litvu.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary