Na vulicy Prahułačnaj 15/1 u Hrodnie pradajuć častku siadziby apošniaha karala Rečy Paspalitaj Stanisłava Aŭhusta Paniatoŭskaha. Pra prodaž abjekta paviedamili na sajcie Hrodzienskaha abłvykankama, zaŭvažyŭ Hrodna.life.
Pradajecca niežyłaja, častkova muravanaja častka budynka, płoščaj 271,2 kv. m. Tam paśla 1945 hoda doŭhi čas znachodziŭsia kłub miascovaj «Sielhastechniki» z kinazałaj i biblijatekaj.
Pačatkovaja cana abjekta — 351 tys. rubloŭ ($111,2 tys.). Budynak źjaŭlajecca historyka-kulturnaj kaštoŭnaściu. U im možna raźmiaścić kulturna-aśvietnickuju ŭstanovu. Aŭkcyjon adbudziecca 30 lipienia 2024 hoda.
Kali novy ŭładalnik nie vykanaje abaviazki, to ŭ adnabakovym paradku ź im mohuć razarvać damovu kupli-prodažu.
Častka siadziby, jakuju vystavili na prodaž vyłučana zialonym koleram. Fota: Hrodna.life
Siadzibu ŭ Paniamuni pabudavali ŭ 1771 hodzie ŭ styli poźniaha baroka. Tam raźmiaščałasia zaharadnaja rezidencyja karala Rečy Paspalitaj Stanisłava Aŭhusta Paniatoŭskaha.
Pałac byŭ cahlany, atynkavany i nie mieŭ nijakich dekaratyŭnych elemientaŭ na źniešnich fasadach. Adzinym upryhožańniem možna ličyć čatyrochkałonny porcik na vysokim cokali. Na aŭkcyjon vystavili častku budynka mienavita ź im.
Da častki, jakaja pradajecca, prybudavany dvuchpaviarchovy draŭlany abjom. Tam žyvuć niekalki siemjaŭ zvyčajnych hrodziencaŭ.
Niedaloka ad siadziby znachodzicca kaplica siaredziny XIX stahodździa ŭ styli nieahotyki, jakuju pierarabili pad haraž.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary