Ułady ZŠA i inšych krain zaklikajuć svaich hramadzian pakinuć Livan. Biejrut u čakańni ŭdaru
Livan čakaje vajennaha adkazu z boku Izraila na mierkavany rakietny ŭdar «Chiezbały» pa Hałanskich vyšyniach.
Urady šerahu zachodnich krain zaklikajuć svaich hramadzian pakinuć Livan na fonie eskałacyi napružanaści pamiž Izrailem i bajevikami «Chiezbały», što padtrymlivajecca Iranam, paviedamlaje Hołas Amieryki.
Livan čakaje izrailskaha vajskovaha adkazu na mierkavany rakietny ŭdar «Chiezbały», u vyniku jakoha ŭ subotu zahinuli 12 druzskich dziaciej i maładych ludziej na futbolnym poli na Hałanskich vyšyniach.
Izrail zajaviŭ, što prymie miery ŭ adkaz. Cyvilnaje nasielnictva rychtujecca da taho, što, pa słovach aficyjnych asob, moža pryvieści da šmatdzionnych bajoŭ.
Złučanyja Štaty, Hiermanija, Brytanija i Francyja papiaredzili svaich hramadzian ab nieabchodnaści nieadkładna pakinuć Livan abo paźbiahać pajezdak tudy z-za rezka ŭzrosłaj ryzyki abvastreńnia kanfliktu.
Pamočnik sakratara pa konsulskich pytańniach pasolstva ZŠA ŭ Biejrucie Rena Biter zaklikała amierykancaŭ u Livanie «skłaści kryzisny płan dziejańniaŭ i pakinuć krainu da pačatku kryzisu».
«My rekamiendujem hramadzianam ZŠA raspracavać płan dziejańniaŭ na vypadak kryzisu i pakinuć krainu da jaho pačatku, — skazała Biter. — Rehularny transpart zaŭsiody źjaŭlajecca najlepšym varyjantam, pakul miascovyja kamunikacyi i transpartnaja infrastruktura jašče nie paškodžanyja i pracujuć narmalna».
Časovy ministr zamiežnych spraŭ Livana Abduła Bu Chabiba ŭ kamientary telekanału CNN skazaŭ, što livanski ŭrad mała što moža zrabić, kab utajmavać «Chiezbału», ale dadaŭ, što linii suviazi zastajucca adkrytymi.
«Premjer-ministr, viadoma ž, śpikier razmaŭlajuć ź imi, viadziecca šmat pieramoŭ, — zajaviŭ jon. — Spynić ich my nie možam, tamu što jany pačali heta ŭ padtrymku nasielnictva Hazy», — skazaŭ jon.
Śpiecpasłańnik ZŠA Amos Chochštajn vykazaŭ zaniepakojenaść tym, što «pralik abo niaščasny vypadak «z udziełam hramadzianskich asob moža prymusić «lubuju z krain pryniać miery ŭ adkaz, jakija pryviaduć da vajny».
Naniasieńnie ŭdaru pa Biejrucie, papiaredziŭ jon, moža pryvieści da surjoznaj eskałacyi.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary