Hałoŭny redaktar «Priessboła» pra adkryćcio Alimpijady: Hiei i leśbijanki ŭvolu paździekavalisia sa śviatych
Alaksandr Dabryjan ź niekali hałoŭnaha spartyŭnaha vydańnia krainy pradrakaje kaniec Jeŭropy i bačyć vinu Makrona.
Hałoŭny redaktar spartyŭnaha vydańnia «Priessboł», jakoje ŭžo niekalki hod staić na prałukašenkaŭskich pazicyjach, rezka prajšoŭsia pa adkryćci Alimpijady ŭ Paryžy. Pakolki papiarovaja hazieta vychodzić dva razy na tydzień (u aŭtorak i piatnicu), to artykuł apublikavany siońnia. Cytaty pryvodzić telehram-kanał «Sport Biełarusi».
«Usim zrazumieła, što siužet cyrymonii adkryćcia Alimpijady nie moh nie abmiarkoŭvacca i zaćviardžacca na samym vysokim uzroŭni. A raz tak, to Makron ź jaho partyjnym i administracyjnym atačeńniem niasuć adkaznaść za bałahan, zładžany biaspołymi frykami, jakim na praciahu 4 hadzin častavaŭ režysior telehledačoŭ sa ŭsich kutkoŭ płaniety.
ŁHBT-mienšaść štučna była pieraŭtvorana ŭ bolšaść, i ŭ jakaści hałoŭnych dziejučych asob hiei i leśbijanki ŭvolu paździekavalisia sa śviatych dla chryścijan i katalikoŭ biblejskich siužetaŭ», — piša Alaksandr Dabryjan.
Nie prajšoŭ mima jaho i siužet z «Tajnaj viačeraj».
«Kali «Tajemnuju viačeru» vialikaha Leanarda da Vinčy — apošniuju trapiezu Isusa Chrysta sa svaimi dvanaccaćciu najbližejšymi vučniami — adlustroŭvali tranśviestyty, heta ŭžo nie ŭkładvałasia ni ŭ jakija maralnyja ramki, vyhladała nieprykrytym ździekam z relihii, a ŭ bolš šyrokim sensie — kracham Jeŭropie.
Cyrymonija adkryćcia Alimpijady — heta vizitnaja kartka top-spabornictvaŭ. Prachodziać hady, dziesiacihodździ, a lepšyja ź ich pa-raniejšamu ŭspłyvajuć u pamiaci», — kaža žurnalist.
«Ci zojmie miesca ŭ hetym šerahu Paryž-2024? Kamu jak bałota, a kamu jak załota, jak kažuć, tamu kožny ŭsio aceńvaje, zychodziačy z asabistych pieravah?» — miarkuje jon.
Žurnalist, što praŭda, pryznaje, što było niamała cikavych i aryhinalnych znachodak: malaŭničy fiejervierk nad mostam u kolerach francuzskaha ściaha, uražlivyja vidy horada z Ejfielevaj viežy, namalavanaje ŭ niebie samalotam sercajka ci padpaleny rajal pad Imagine.
Adnak «i ŭsio ž zastałosia adčuvańnie padmanu. Nibyta zamiest pryhodnickaha filma z mnostvam abiacanych arhanizatarami siurpryzaŭ nam uciuchali nizkaprobnuju ŁHBT-ahitku z brydkimi hiejami i baradatymi dziaŭčatami ŭ hałoŭnych rolach. Inkluziŭnaść pa-francuzsku? Niachaj jany joju i atrymlivajuć asałodu — u nas inšyja kaštoŭnaści», — vynosić prysud hałoŭny redaktar »Priessboła».
Pastanoŭščyk cyrymonii adkryćcia Hulniaŭ u Paryžy adkazaŭ na krytyku
Sacsietki vybuchnuli paśla sprečnaha epizodu na adkryćci Alimpijskich hulniaŭ
Jašče adzin z zapaminalnych momantaŭ adkryćcia Alimpijady: vykanańnie hienijalnaj Imagine na achoplenym ahniom rajali VIDEA
Gojira dała čadu na adkryćci Alimpijady VIDEA
U Paryžy prajšła hrandyjoznaja i navatarskaja cyrymonija adkryćcia Alimpijskich hulniaŭ FOTY
Rasijskija i łukašenkaŭskija ŚMI stvarajuć uražańnie, jak na Alimpijadzie ŭsio kiepska
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty35
Kamientary