Галоўны рэдактар «Прессбола» пра адкрыццё Алімпіяды: Геі і лесбіянкі ўволю паздзекаваліся са святых
Аляксандр Дабрыян з некалі галоўнага спартыўнага выдання краіны прадракае канец Еўропы і бачыць віну Макрона.
Галоўны рэдактар спартыўнага выдання «Прессбол», якое ўжо некалькі год стаіць на пралукашэнкаўскіх пазіцыях, рэзка прайшоўся па адкрыцці Алімпіяды ў Парыжы. Паколькі папяровая газета выходзіць два разы на тыдзень (у аўторак і пятніцу), то артыкул апублікаваны сёння. Цытаты прыводзіць тэлеграм-канал «Спорт Беларусі».
«Усім зразумела, што сюжэт цырымоніі адкрыцця Алімпіяды не мог не абмяркоўвацца і зацвярджацца на самым высокім узроўні. А раз так, то Макрон з яго партыйным і адміністрацыйным атачэннем нясуць адказнасць за балаган, зладжаны бясполымі фрыкамі, якім на працягу 4 гадзін частаваў рэжысёр тэлегледачоў са ўсіх куткоў планеты.
ЛГБТ-меншасць штучна была пераўтворана ў большасць, і ў якасці галоўных дзеючых асоб геі і лесбіянкі ўволю паздзекаваліся са святых для хрысціян і каталікоў біблейскіх сюжэтаў», — піша Аляксандр Дабрыян.
Не прайшоў міма яго і сюжэт з «Тайнай вячэрай».
«Калі «Таемную вячэру» вялікага Леанарда да Вінчы — апошнюю трапезу Ісуса Хрыста са сваімі дванаццаццю найбліжэйшымі вучнямі — адлюстроўвалі трансвестыты, гэта ўжо не ўкладвалася ні ў якія маральныя рамкі, выглядала непрыкрытым здзекам з рэлігіі, а ў больш шырокім сэнсе — крахам Еўропе.
Цырымонія адкрыцця Алімпіяды — гэта візітная картка топ-спаборніцтваў. Праходзяць гады, дзесяцігоддзі, а лепшыя з іх па-ранейшаму ўсплываюць у памяці», — кажа журналіст.
«Ці зойме месца ў гэтым шэрагу Парыж-2024? Каму як балота, а каму як залота, як кажуць, таму кожны ўсё ацэньвае, зыходзячы з асабістых пераваг?» — мяркуе ён.
Журналіст, што праўда, прызнае, што было нямала цікавых і арыгінальных знаходак: маляўнічы феерверк над мостам у колерах французскага сцяга, уражлівыя віды горада з Эйфелевай вежы, намаляванае ў небе самалётам сэрцайка ці падпалены раяль пад Imagine.
Аднак «і ўсё ж засталося адчуванне падману. Нібыта замест прыгодніцкага фільма з мноствам абяцаных арганізатарамі сюрпрызаў нам уцюхалі нізкапробную ЛГБТ-агітку з брыдкімі геямі і барадатымі дзяўчатамі ў галоўных ролях. Інклюзіўнасць па-французску? Няхай яны ёю і атрымліваюць асалоду — у нас іншыя каштоўнасці», — выносіць прысуд галоўны рэдактар »Прессбола».
Пастаноўшчык цырымоніі адкрыцця Гульняў у Парыжы адказаў на крытыку
Сацсеткі выбухнулі пасля спрэчнага эпізоду на адкрыцці Алімпійскіх гульняў
Яшчэ адзін з запамінальных момантаў адкрыцця Алімпіяды: выкананне геніяльнай Imagine на ахопленым агнём раялі ВІДЭА
Gojira дала чаду на адкрыцці Алімпіяды ВІДЭА
У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ
Расійскія і лукашэнкаўскія СМІ ствараюць уражанне, як на Алімпіядзе ўсё кепска
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9
Каментары