Hramadstva1414

Što aznačaje zakryćcio rekrutynhavaha centra pałka Kalinoŭskaha ŭ Varšavie?

Pavieł Kuchta, načalnik arhanizacyi ŭ Varšavie, praź jakuju nabirali biełaruskich dobraachvotnikaŭ, abvieściŭ ab jaje zakryćci. Možna padumać, što nabor biełarusaŭ u połk Kalinoŭskaha spyniajecca, ale heta nie tak.

Kalinoŭcy ŭzdymajuć nacyjanalny biełaruski ściah. Fota: pres-słužba pałka Kalinoŭskaha

«Ja, Pavieł Kuchta, kiraŭnik mabilizacyjnaha centra pałka imia Kastusia Kalinoŭskaha, vymušany paviedamić, što rekrutynhavy centr u Varšavie bolš nie dziejničaje ŭ suviazi z rašeńniem kiraŭnictva Internacyjanalnaha lehijona pravodzić rekrutynh biełarusaŭ praź ich ułasnuju sistemu va Ukrainie, — kaža ŭ zvarocie Kuchta. — My sa škadavańniem pryniali hetuju navinu, bo naš centr dazvalaŭ biełarusam chutka i biaśpiečna traplać u połk Kalinoŭskaha i prachodzić navučańnie na ŭłasnaj bazie razam ź inšymi biełarusami».

Jakija buduć praktyčnyja nastupstvy hetaha? Niaŭžo nabor biełaruskich dobraachvotnikaŭ całkam spyniajecca? 

Surazmoŭcy «Našaj Nivy», abaznanyja ŭ spravach pałka i blizkija da ciapierašniaha kamandavańnia, kažuć, što pryncypova nie źmianiajecca ničoha. Čat-bot pałka pracuje.

Pry zachodzie na sajt pałka Kalinoŭskaha možna ŭbačyć knopku «rekrutam», jakaja viadzie na telehram-bot, u jakim achvotnym raskažuć pra ałharytm dziejańniaŭ dla prajezdu va Ukrainu i ŭstupleńnia ŭ Internacyjanalny lehijon, da jakoha naležyć i połk imia Kastusia Kalinoŭskaha. 

Adtul čałaviek budzie raźmierkavany ŭ biełaruskaje padraździaleńnie. 

«Časy źmianilisia. Vialikaha sensu ŭ pasiarednikach u Varšavie niama, biełaruskaje padraździaleńnie padparadkavanaje ŭkrainskamu kamandavańniu, i ŭsia taja padrychtoŭčaja rabota, jakaja pravodziłasia ŭ Varšavie, moža i budzie pravodzicca va Ukrainie, dzie i idzie vajna», — z takim mierkavańniem salidaryzujucca apytanyja nami bajcy. 

Ludzi taksama kažuć, što centr u Varšavie možna było b i nie razhaniać, ale heta ŭsio nastupstvy baraćby za ŭładu ŭnutry arhanizacyi. Maŭlaŭ, Pavieł Kuchta bolš łajalny papiaredniamu kiraŭnictvu, i toje, što ź im nie znajšli ahulnaj movy novyja načalniki — sprava łahičnaja.

Telehram-kanał pałka, u jakim było apublikavana paviedamleńnie Kuchty, pa śćvierdžańniach ciapierašnich i byłych bajcoŭ, kantralujecca adchilenymi ad kamandavańnia ludźmi — Mikołam Dziemidzienkam i Arciomam «Vanišam» Vojničam. 

Rekrutynhavy centr u Varšavie syhraŭ rolu ŭ 2022 hodzie, kali masy aktyŭnych biełarusaŭ, jakija akazalisia ŭ emihracyi i chacieli dapamahčy Ukrainie vajavać z rasijskim fašyzmam, mahli centralizavana, hrupami, z adnaho miesca vyjazdžać va Ukrainu. Prajšoŭšy pry hetym bazavuju miedycynskuju i inšuju padrychtoŭku ŭ čas čakańnia dazvołu na ŭjezd. 

Ciapier ža dazvoły na ŭjezd buduć vydavacca praz dypłamatyčnyja ŭstanovy Ukrainy ŭ indyvidualnym paradku, sychodziačy z vynikaŭ sumoŭja. 

Kamientary14

  • Pavło
    02.08.2024
    Achacha dziva dziŭnaje, a nie žurnalisty
  • Avenged Sevenfold
    02.08.2024
    «Ciapier ža dazvoły na ŭjezd buduć vydavacca praz dypłamatyčnyja ŭstanovy Ukrainy ŭ indyvidualnym paradku, sychodziačy z vynikaŭ sumoŭja. »

    Chiba ŭžo biaźviz admianili dla zamiežnikaŭ?
    Zajechaŭ dy rekrutujsia na miescy.
  • Kastuś
    02.08.2024
    Avenged Sevenfold, tiebia s bssrovskim pačportom nikto nie pustit v Ukrainu))

Ciapier čytajuć

Tramp pavieryŭ u poŭnuju pieramohu Ukrainy27

Tramp pavieryŭ u poŭnuju pieramohu Ukrainy

Usie naviny →
Usie naviny

«Tamu biez usialakaj kryŭdy». Łukašenka daručyŭ Hałoŭčanku sačyć za pracaju Turčyna3

Polšča adkryvaje miažu ź Biełaruśsiu70

Drony nad plažam, hruz 200 i nie pracuje GPS. Jak biełarusy sioleta adpačyvali ŭ Krymie6

Viktoryja Azaranka prylacieła ŭ Minsk. Jaje z synam zaŭvažyli na trybunach «Minsk-Areny» FOTAFAKT4

Bajsoł: Srodki z ekstrannaha zboru buduć vypłačanyja palitviaźniam całkam9

U rasijskaj škole, što abvaliłasia na vačach u ludziej, u toj dzień pavinny byli vučycca raźbirać aŭtamat, ale nichto nie pryjšoŭ1

Jak favarytki Łukašenki zarablajuć u bjuci-śfiery12

Łukašenka raspytaŭ Turčyna pra kasiaki ŭrada19

Zakryćcio biełaruska-polskaj miažy zabłakavała bolš za 130 ciahnikoŭ z Kitaja ŭ Jeŭropu5

bolš čytanych navin
bolš łajkanych navin

Tramp pavieryŭ u poŭnuju pieramohu Ukrainy27

Tramp pavieryŭ u poŭnuju pieramohu Ukrainy

Hałoŭnaje
Usie naviny →

Zaŭvaha:

 

 

 

 

Zakryć Paviedamić