Hramadstva2828

Try partyi, jakija na vybarach u KR sumarna nabrali 165 hałasoŭ, asprečyli status Cichanoŭskaj

Jany zaklikajuć «pačać dyjałoh z usimi demakratyčnymi palityčnymi siłami».

Śviatłana Cichanoŭskaja

Znajšlisia jašče try palityčnyja siły, niazhodnyja z tym, što Śviatłana Cichanoŭskaja zastaniecca nacyjanalnaj lidarkaj i paśla 2025 hoda.

Heta partyi «Narodnaja Hramada», Biełaruskaja chryścijanskaja demakratyja, a taksama supolnaść siabroŭ, jakija płanujuć stvaryć partyju «Kraina dla žyćcia».

Jany vystupili z sumiesnym miemarandumam, u jakim narakajuć, što rašeńnie ab padaŭžeńni terminu lehitymnaści Śviatłany Cichanoŭskaj «pryniataje biez uzhadnieńnia z bolšaściu palityčnych struktur». A taksama zaklikajuć «pačać dyjałoh z usimi demakratyčnymi palityčnymi siłami».

«Narodnaja hramada» na čale ź Jaŭhienam Vilskim i Biełaruskaja chryścijanskaja demakratyja na čale z Hieorhijem Dźmitrukom na vybarach u Kaardynacyjnuju radu treciaha sklikańnia abjadnalisia ŭ vybarčy śpis «Salidarnaść». Jon nabraŭ 104 hałasy. Hetaha chapiła tolki dla pieradapošniaha miesca.

Nižej była tolki «Kraina dla žyćcia» na čale ź Vitalem Saviukom, jakaja taksama padpisała miemarandum. Za hetu palityčnuju siłu prahałasavaŭ 61 čałaviek.

Ahułam ich padtrymali 165 čałaviek (2,46%) udzielnikaŭ vybaraŭ.

Nahadajem, što ŭžo padčas vybarčaj honki sa śpisu «Narodnaj hramady» vyklučyli dvuch kandydataŭ. Vyjaviłasia, što jany danosili ŭ KDB na inšych apazicyjanieraŭ. Volha Ciškievič zmahałasia z Eduardam Palčysam (ciapier prysudžany da 13 hadoŭ kałonii), a Pavieł Bialucin stučaŭ na Mikołu Aŭtuchoviča (25 hadoŭ kałonii). Paśla vykryćcia Volha Ciškievič viarnułasia ŭ Biełaruś i dała intervju na ANT.

Kamientary28

  • dfsgeh
    09.08.2024
    Nado zapomniť ich imiena. pora im mieniať nazvanije na Błok konsierv KHB.Takich hłavnoje nie dopustiť k vłasti pośle śvieržienija riežima. Dumaju primierno v tom žie sostavie budut kričať ,čtoby nie byli otkryty archivy KHB
  • Žora
    09.08.2024
    NN padaje heta tak, byccam by za Cichanoŭskuju, kali b pravieści hałasavańnie ciapier i tym ža mietadam, jak i u Kaardynacyjnuju Radu, dakładna prahałasavała b bolej. Ale heta nie fakt, a pryvatnaje mierkavańnie, mo na siońnia i stolki b nie naškrebła.
  • Hańba
    09.08.2024
    Jak cudoŭna - zaniali paspality narod nadźmutym pytańniem statusa Cichanoŭskaj. Dy zastavajsia ty, darahaja Śviatłana sa svajoj kamandaj, choć u jakim statusie - vynikaŭ, karyści ad vas na hroš. Nie status treba abmiarkoŭvać, a stupień efiektyŭnaści vašaha menedžmientu.

Ciapier čytajuć

Łukašenka pra Zialenskaha: Vałodzia jak syn mnie byŭ, ale pastupiŭ jak hnida7

Łukašenka pra Zialenskaha: Vałodzia jak syn mnie byŭ, ale pastupiŭ jak hnida

Usie naviny →
Usie naviny

«Niaskoranaje pakaleńnie». Vyjšła kniha ab represavanych studentach4

Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach2

«A mianie za što?» I kupcy sa Smalenska, jakija nachabna źbivajuć košt dziedavaj chaty — strašnaja kniha pra nastupstvy5

«Kultura i mastactva» praviała na piensiju hałoŭnuju redaktarku. Ni słova pa-biełarusku16

U Ispanii znajšli frahmienty kostak samaha staražytnaha ź viadomych u Zachodniaj Jeŭropie ludziej1

Zvolnili dyrektara Biełdziaržfiłarmonii1

Pamior Hienadź Zabara

Rasija nie maje šancaŭ u sutyknieńni ź Jeŭropaj. Ale ź dźviuma ŭmovami19

Danateła Viersače sychodzić z pasady kreatyŭnaj dyrektarki Versace paśla 28 hadoŭ pracy

bolš čytanych navin
bolš łajkanych navin

Łukašenka pra Zialenskaha: Vałodzia jak syn mnie byŭ, ale pastupiŭ jak hnida7

Łukašenka pra Zialenskaha: Vałodzia jak syn mnie byŭ, ale pastupiŭ jak hnida

Hałoŭnaje
Usie naviny →

Zaŭvaha:

 

 

 

 

Zakryć Paviedamić