Грамадства2828

Тры партыі, якія на выбарах у КР сумарна набралі 165 галасоў, аспрэчылі статус Ціханоўскай

Яны заклікаюць «пачаць дыялог з усімі дэмакратычнымі палітычнымі сіламі».

Святлана Ціханоўская

Знайшліся яшчэ тры палітычныя сілы, нязгодныя з тым, што Святлана Ціханоўская застанецца нацыянальнай лідаркай і пасля 2025 года.

Гэта партыі «Народная Грамада», Беларуская хрысціянская дэмакратыя, а таксама супольнасць сяброў, якія плануюць стварыць партыю «Краіна для жыцця».

Яны выступілі з сумесным мемарандумам, у якім наракаюць, што рашэнне аб падаўжэнні тэрміну легітымнасці Святланы Ціханоўскай «прынятае без узгаднення з большасцю палітычных структур». А таксама заклікаюць «пачаць дыялог з усімі дэмакратычнымі палітычнымі сіламі».

«Народная грамада» на чале з Яўгенам Вільскім і Беларуская хрысціянская дэмакратыя на чале з Георгіем Дзмітруком на выбарах у Каардынацыйную раду трэцяга склікання аб’ядналіся ў выбарчы спіс «Салідарнасць». Ён набраў 104 галасы. Гэтага хапіла толькі для перадапошняга месца.

Ніжэй была толькі «Краіна для жыцця» на чале з Віталем Савюком, якая таксама падпісала мемарандум. За гэту палітычную сілу прагаласаваў 61 чалавек.

Агулам іх падтрымалі 165 чалавек (2,46%) удзельнікаў выбараў.

Нагадаем, што ўжо падчас выбарчай гонкі са спісу «Народнай грамады» выключылі двух кандыдатаў. Выявілася, што яны даносілі ў КДБ на іншых апазіцыянераў. Вольга Цішкевіч змагалася з Эдуардам Пальчысам (цяпер прысуджаны да 13 гадоў калоніі), а Павел Бялюцін стучаў на Міколу Аўтуховіча (25 гадоў калоніі). Пасля выкрыцця Вольга Цішкевіч вярнулася ў Беларусь і дала інтэрв'ю на АНТ.

Каментары28

  • dfsgeh
    09.08.2024
    Надо запомнить их имена. пора им менять название на Блок консерв КГБ.Таких главное не допустить к власти после свержения режима. Думаю примерно в том же составе будут кричать ,чтобы не были открыты архивы КГБ
  • Жора
    09.08.2024
    НН падае гэта так, быццам бы за Ціханоўскую, калі б правесці галасаванне цяпер і тым жа метадам, як і у Каардынацыйную Раду, дакладна прагаласавала б болей. Але гэта не факт, а прыватнае меркаванне, мо на сёння і столькі б не нашкрэбла.
  • Ганьба
    09.08.2024
    Як цудоўна - занялі паспаліты народ надзьмутым пытаннем статуса Ціханоўскай. Ды заставайся ты, дарагая Святлана са сваёй камандай, хоць у якім статусе - вынікаў, карысці ад вас на грош. Не статус трэба абмяркоўваць, а ступень эфектыўнасці вашага мэнэджменту.

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару

Усе навіны →
Усе навіны

Беларусь атрымала афіцыйнае паведамленне ад польскага боку пра адкрыццё мяжы

Расійскі чыноўнік уцёк з-пад канвою ў судзе і схаваўся ў консульстве Арменіі. Гісторыя скончылася трагічна3

Ціханоўская сустракалася з Келагам у Нью-Ёрку6

Snoop Dogg згадзіўся правесці канцэрт у Расіі5

Рэкламны банер з Аляксандрам Глебам павесілі на тым скрыжаванні ў Мінску, дзе ён стаў удзельнікам смяротнай аварыі12

Наўроцкі ў ААН назваў сітуацыю з правамі чалавека ў Беларусі прыярытэтам Польшчы5

Прызнанне палесцінскай дзяржавы: ЗША застаюцца адзінай сілай, чый голас будзе мець вырашальнае значэнне15

«Рэйв на заводзе». Зумеры падымаюць продажы беларускіх прадпрыемстваў, здымаючы вірусны кантэнт14

Зяленскі назваў умову вылучэння Трампа на Нобелеўскую прэмію3

больш чытаных навін
больш лайканых навін

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару

Галоўнае
Усе навіны →

Заўвага:

 

 

 

 

Закрыць Паведаміць