Zialenski ŭchvaliŭ padryŭ «Paŭnočnych patokaŭ», ale pasprabavaŭ admianić apieracyju, kali pra jaje daviedałasia CRU
Ideja apieracyi naradziłasia ŭ mai 2022 hoda na sustrečy vysokapastaŭlenych ukrainskich vajennych i biznesoŭcaŭ. Apošnija prafinansavali dyviersiju, pakolki va USU nie chapała srodkaŭ.
The Wall Street Journal vypuściła vialikaje rasśledavańnie ab tym, jak Ukraina rychtavała apieracyju pa padryvie hazapravoda na dnie Bałtyjskaha mora ŭ vieraśni 2022 hoda.
Hałoŭnyja tezisy z tekstu pryvodzić «Mieduza»:
Ideja apieracyi naradziłasia ŭ mai 2022 hoda na sustrečy vysokapastaŭlenych ukrainskich vajennych i biznesoŭcaŭ. Apošnija prafinansavali dyviersiju, pakolki va USU nie chapała srodkaŭ.
Apieracyju, pa danych WSJ, kuryravaŭ nienazvany hienierał z dośviedam udziełu ŭ śpiecyjalnych apieracyjach, jaki naŭprost padparadkoŭvaŭsia tahačasnamu hałoŭnakamandujučamu USU Valeryju Załužnamu. Niepasredna padryvam zajmałasia kamanda z šaści čałaviek — jak vajennych, tak i hramadzianskich nyrcoŭ.
Zialenski ŭchvaliŭ płan apieracyi vusna. Adnak pra jaho nieŭzabavie daviedałasia niderłandskaja raźviedka i papiaredziła ab hetym CRU i niamieckija ŭłady. CRU zaklikała Ukrainu admianić apieracyju. Zialenski pieradaŭ ukazańnie Załužnamu, ale toj nie pasłuchaŭ prezidenta. U razmovie z WSJ Załužny zajaviŭ, što ničoha nie viedaje ab apieracyi.
Prykładna za try tydni da vybuchu hrupa dyviersantaŭ arandavała prahułačnuju jachtu «Andramieda» ŭ niamieckim Rastoku praz polskaje turahienctva, stvoranaje ŭkrainskaj raźviedkaj.
Na miescy dyviersii vadałazy pracavali parami i zakłali na hłybini vybuchovaje prystasavańnie z rečyvam aktahien. Pierad hetym u šviedskim porcie Sandchamn adzin z členaŭ hrupy vypuściŭ vybuchovaje prystasavańnie na dno. Dyviersanty abmiarkoŭvali mahčymuju admienu apieracyi z-za drennaha nadvorja.
Pakidajučy Hiermaniju, dyviersanty nie pamyli jachtu, dziakujučy čamu niamieckaja palicyja znajšła na borcie ślady vybuchoŭki, adbitki palcaŭ i ŭzory DNK členaŭ ekipaža. Taksama rasśledavalniki vyznačyli numary mabilnych telefonaŭ i spadarožnikavaha telefona Iridium, jakija naležali nyrcam – i adnavili maršrut jachty.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
A potym pačałosia naciahvańnie savy na hłobus: pasprabujcie dla pačatku dakładna znajści hetyja samyja truby na marskim dnie. Pasprabujcie zahruzić 3 tony vybuchoŭki (adkul cikava jana uziałasia prama ŭ centry Eŭropy? Ja nie viedaju na jakim kirmašy mahčyma zakupić hetuju samuju vybuchoŭku ŭ takoj kolkaści dy jašče sa śpiecyjalnymi detanatarami. Ale žurnaluhi napeŭna viedajuć dakładna :-) :-) :-) ) razam ź nieadchodnymi dla pracy materyjałami (bałony dla pahružeńnia, kampressar dla pampavańnia pavietra, ahrehat kab pracavaŭ kampressar, śpiecyjalnyja sumiasi i hd) i jašče 6 čałaviek u dadatak u maleńkuju jachtu. Bolš za toje, śmiech vyzyvaje toje, što śledčyja zdoleli znajści ślady vybuchoŭki na borcie jachty :-) :-) :-) Pasažyry napeŭna zrabili mienavita vytvorčaść vybuchoŭki na jachcie, a nie atrymali jaje ŭ hiermietyčna zakrytych pakietach/miachach i h.d.
Adzinaje što mahło adbycca tam z hetaj samaj jachtaj heta apieracyja prykryćcia mienavita rasiejskich śpiecsłužbaŭ padarvaŭšych tyja samyja Patoki , ale z vykarystańniem zusim inšaha śpiecyjalizavanaha karabla sa śpiecyjalizavanym abstalavańniem.
Ale žurnalisty ''pišuć'' svaje raśledvańni, jakija ŭ daśviedčannych ludziej ničoha akramia śmiechu nie vyklikajuć.
Pytańnie čamu heta adbyłosia maje zusim inšy sens, bo adbyŭšajesia było tolki małoj častkaj toj vialikaj hulni suprać Zachadu jakuju pačaŭ Pucin.