Kab apisać Łukašenku «biełaruski Jutub», prapahanda blisnuła novaj abrevijaturaj — OTT. Što jana značyć?
Havorka idzie pra termin «płatforma OTT», jakim prapahanda nazvała ajčynny anałah videachostynha YouTube, zapusk jahoha maje adbycca ŭ vieraśni.
Biełaruski anałah YouTube, jaki atrymaŭ nazvu videobel.by, budzie zapuščany ŭžo 12 vieraśnia. Pra heta na naradzie ŭ Łukašenki raskazaŭ namieśnik kiraŭnika jahonaj administracyi Uładzimir Piarcoŭ.
«Videachostynh videobel.by. Heta naša pieršaja OTT-płatforma, na jakoj buduć raźmiaščacca prahramy i roznyja rubryki. I navat pazaefirnyja aktyŭnaści stvaralnikaŭ videakantentu. Kali chočacie, heta dastatkova słaby anałah, ale taki pieršy krok da stvareńnia biełaruskaha YouTube», — apisaŭ Łukašenkie Piarcoŭ.
Što aznačaje OTT?
Płatforma OTT (over the top, ci «pa-za miežami») — heta internet-servis, u jakim kantent i pasłuhi pastaŭlajucca na smartfony, kampjutary, smart-televizary i inšyja pryłady karystalnikaŭ napramuju.
Praściej kažučy, heta servis, jaki amal nie zaležyć jak ad dziaržaŭnych i pryvatnych pravajderaŭ suviazi, tak i ad spadarožnikavaj abo kabielnaj pieradačy danych u krainie. Tyja prosta pieradajuć kantent ad OTT-servisu da karystalnikaŭ, nijak na jaho nie ŭpłyvajučy.
Videobel.by nie budzie pieršaj biełaruskaj OTT-płatformaj. Naprykład, «Voka» ad A1 całkam adpaviadaje hetamu statusu. Na im možna pahladzieć telekanały, ale možna i abrać filmy z katałoha, i znajści spartyŭnyja tranślacyi.
Suśvietnyja viadomyja videaservisy kštałtu Netflix — taksama OTT-płatformy. Jany pracujuć niezaležna ad dziaržavy. Kali taja zachoča źnizić chutkaść internetu dla zryvu pracy servisu, to jon aŭtamatyčna prystasoŭvajecca i praciahvaje pieradaču kantentu karystalnikam, chaj i ŭ drennaj jakaści.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary
Voś cikava, dzie toj TV kanał dla ŭsich biełarusaŭ, jaki vy tak pijaryli: https://dck8xvlq18iei.cloudfront.net/ru/326935 ?
Hrošy papilili i hulaj rvanina, jak zaŭsiody, tak?
Obołvanivajem Tiepieŕ Tut?
Otśleživajemyj Tiertielem Trafik?
Otviedaj, Tarakan, tapka!