Kolki ŭ Vilejcy płaciać tym, chto hraje śpiecnazaŭcaŭ u fantastyčnym rasijskim sieryjale?
Ciapier u Vilejcy zdymajuć rasijski fantastyčny sieryjał «Radar». Biełaruskija prapahandysty radasna nazyvajuć horad «mini-anałaham Halivuda». A miascovyja zadavoleny mahčymaściu trapić u kadr. Pahladzieli, kolki płaciać akcioram masoŭki.
Historyja sieryjała «Radar» adbyvajecca ŭ 1988 hodzie. Pa siužecie, u navakollach nievialikaha savieckaha horada, raźmieščanaha ŭ rajonie mahutnaha radara sistemy supraćrakietnaj abarony, upaŭ zahadkavy abjekt. Šaścikłaśniki Locha, Tola i Sioma adpraŭlajucca na pošuki mietearyta — jany marać pra słavu i viadomaść. Padčas błukańniaŭ pa lesie Locha hublajecca. Jaho pošuki siłami milicyi zapuskajuć łancuh padziej, jakija pryvodziać da kantaktu adnaho ź miascovych žycharoŭ ź niečym vielmi dziŭnym.
Režysioram sieryjała staŭ Kanstancin Śmirnoŭ. Najbolš viadomaja jaho praca — sieryjał TNT «Univier. Novaja obŝaha». Siarod akcioraŭ jość i biełarusy — naprykład, Anatol Kot. A masoŭku nabirajuć z žycharoŭ Vilejki i bližejšych haradoŭ. Zdajecca, niedachopu ŭ achvotnych źniacca ŭ rasijskim sieryjale niama — u tielehram-kanale prajekta, dzie šukajuć nieprafiesijnych akcioraŭ u Vilejcy, užo bolš za 900 udzielnikaŭ.
Jakija ž roli prapanoŭvajuć? Niadaŭna, naprykład, šukali śpiecnazaŭcaŭ, milicyjanieraŭ, aficeraŭ, vajskoŭcaŭ: «Šukajem chłopcaŭ 19—50 hadoŭ, rost 176—185. Pamier adzieńnia da 52 (uklučna)». Taksama paviedamlałasia, što źmiena budzie 12 hadzin i za jaje zapłaciać 45 rubloŭ. Achvotnych znajšli za dźvie hadziny. Ale pieryjadyčna byvajuć prapanovy navat dla školnikaŭ.
Płanujecca, što sieryjał pakažuć u 2025 hodzie.
Hanna Južakova raspaviała, jak heta — znoŭ hrać na zdymkach siamju z byłym mužam Paŭłam Charłančukom
Pieršaje sumiesnaje kitajska-biełaruskaje kino pad pahrozaju ź niečakanaj pryčyny
Alaksiej Tałaj zdymajecca ŭ rasijskim filmie pra vajnu
Biełarus u Ńju-Jorku źniaŭsia ŭ cełym siezonie sieryjała. Kolki ž atrymałasia zarabić?
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary