U Hviniei šympanze skrała dzicia i zabiła jaho. Heta vyklikała bunt
Hviniejka Sieni Zohba pracavała ŭ poli, kali raptam da jaje padyšła małpa, ukusiła žančynu, a zatym schapiła jaje vaśmimiesiačnaha syna i ŭciakła ŭ les. Maci nie zmahła ničoha zrabić, kab uratavać dzicia. Nieŭzabavie ŭ lesie znajšli jahonaje miortvaje cieła, piša Bild.
Trahičnaje zdareńnie vyklikała vialikaje ŭzrušeńnie ŭ vioscy, dzie žyvie siamja paciarpiełaj. Raźjušany natoŭp nakiravaŭsia da Instytuta Bossu, u jakim vyvučajuć šympanzie i jaki znachodzicca niedaloka ad miesca zdareńnia. Viaskoŭcy ŭvarvalisia ŭ budynak i razhramili jaho, źniščyŭšy kampjutary, dakumienty navukoŭcaŭ i bieśpiłotniki, paśla čaho padpalili budynak.
U Instytucie Bosu paćvierdzili, što ŭ hetym hodzie ŭ krainie ŭžo zarehistravali šeść napadaŭ šympanze na ludziej, ale historyja z hetym dziciom stała pieršaj sa śmiarotnym vynikam.
Śpiecyjalisty adznačajuć, što šympanze nie bajacca ludziej i časam, kali jany vielmi ŭzbudžanyja, nie mohuć siabie kantralavać, što robić ich ahresiŭnymi. Navukoŭcy patłumačyli, što z-za niedachopu ježy małpy pakidajuć svaje zvykłyja miescy pražyvańnia i nabližajucca da ludziej.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam4747
Kamientary