Na miažy z Polščaj kiroŭcam lehkavikoŭ moža stać značna lahčej
Na biełaruska-polskaj miažy pierad punktam propusku «Brest» z 30 vieraśnia 2024 hoda pravodzicca ekśpierymient, metaj jakoha źjaŭlajecca palahčeńnie čakańnia ŭ čarzie dla kiroŭcaŭ lehkavych aŭtamabilaŭ, paviedamlajecca na sajcie «Biełmytservisu».
Asnoŭnaja ideja ekśpierymientu — u źmianieńni paradku funkcyjanavańnia sistemy elektronnaj čarhi transpartnych srodkaŭ pierad aŭtamabilnym punktam propusku «Brest». Heta novaŭviadzieńnie raspaŭsiudžvajecca tolki na lehkavyja aŭtamabili i praduhledžvaje rehistracyju transpartnych srodkaŭ z mahčymaściu vyjezdu z zony čakańnia, a taksama ŭparadkavańnie ruchu transpartu pry ŭjeździe ŭ punkt propusku.
«Sumiesnaja raspracoŭka nacelenaja na zručnaść hramadzian i dazvolić im racyjanalna vykarystoŭvać čas čakańnia čarhi dla nastupnaha pierasiačeńnia dziaržaŭnaj miažy», — havorycca ŭ paviedamleńni.
Kiroŭcy lehkavych aŭtamabilaŭ paśla rehistracyi ŭ čarzie zmohuć nie tolki zastacca ŭ joj, ale i adpravicca ŭ zručnaje dla siabie miesca. Naprykład, jany mohuć pajechać dadomu, naviedać Brest ci pravieści čas u hateli.
Adsočvać ruch čarhi možna na sajcie «Biełmytservisu». Kali čarha padydzie, kiroŭca pavinien viarnucca ŭ zonu čakańnia i tam čakać ujezdu ŭ punkt propusku.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie30
Kamientary
A voś husaki pilihrymnyja, asabliva tyja na furach, kamu my limity času jeździć na dabu ŭstalavali, nikudy nie padzienucca i ŭ čarzie dniami čakać, pa piać metraŭ padjazžacca