«Začystka destruktyŭnych jačejek»: siłaviki masava zatrymlivajuć žycharoŭ Mahiloŭščyny
Paśla zatrymańnia 23 vieraśnia Alaksandra Kandryčyna, jaki, pa viersii siłavikoŭ, nanios nažavyja ranieńni dvum supracoŭnikam HUBAZiK, u Mahilovie pačałasia masavaja začystka hramadzian, jakija, na dumku supracoŭnikaŭ milicyi, mahli mieć dačynieńnie da napadu, piša «Viasna».
Litaralna praź niekalki dzion paśla zdareńnia siłaviki zatrymali siabra i byłoha kalehu Kandryčyna. Pa infarmacyi pres-słužby MUS, pry pieratrusie ŭ domie zatrymanaha siłaviki vyjavili ahniastrelnuju zbroju, častki da jaje, patrony roznaha kalibru, rečyvy dla vyrabu vybuchoŭki, narkotyki, chałodnuju zbroju, u tym liku zamaskiravanuju pad pradmiety pobytu. U dačynieńni da zatrymanaha raspačali kryminalnuju spravu za niezakonny abarot ahniastrelnaj zbroi (art. 295 Kryminalnaha kodeksa).
A 1 kastryčnika źjaviłasia infarmacyja pra «začystku destruktyŭnych jačejek» u Mahilovie.
Pad «destruktyŭnymi jačejkami» blizki da MUS telehram-kanał paznačyŭ mahiloŭcaŭ, jakija pakinuli kamientary ŭ internecie paśla naviny pra napad.
Jak paviedamlaje MAYDAYMog, pavodle videarolika, było zatrymana minimum 4 mužčyny, u tym liku 62-hadovy žychar vioski Prokšaničy Mahiloŭskaha rajona. Na jaho zatrymańnie vyjechała 10 siłavikoŭ, siarod jakich byli «śpiecnazaŭcy» ź niadaŭna ŭtvoranaha atrada «Hrom» (stvorany ŭ krasaviku 2024 hoda). Astatnich mužčyn taksama zatrymlivali ad piaci siłavikoŭ u bajavoj ekipiroŭcy.
Na videa bačna, što nichto z zatrymanych supracivu nie akazvaŭ. U dadzieny momant los hetych ludziej nieviadomy.
Adnaho z mahiloŭcaŭ pryjechali zatrymlivać kala 10 siłavikoŭ. Na «pakajalnym videa» mužčyna kaža, što nibyta znachodzicca ŭ «ekstremisckich» čatach i pakidaje tam kamientary. Siarod inšaha, jamu inkryminujuć i kamientary da naviny pra Kandryčyna.
Pra jašče adno zatrymańnie za kamient u internecie piša «Miedyjazona». Siłaviki zatrymali haradzienskaha studenta 4 kursa HRSU, jaki «ŭchvalaŭ u sacyjalnych sietkach» dziejańni mahiloŭca, abvinavačanaha ŭ zamachu na zabojstva milicyjantaŭ. Rolik ź im apublikavaŭ praŭładny hrodzienski telehram-kanał.
Na videa junak u biełym džempiery vybačajecca pierad supracoŭnikami milicyi. Artykuł, pavodle jakoha zatrymany haradzieniec, nie ŭdakładniajecca. Paviedamleńni, jakija prypisvajucca studentu, u milicejskim videa nie pakazanyja.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał55
Kamientary