Haniec ź Irana jechaŭ papiaredzić Nasrału, što Izrail źbirajecca taho zabić. Abodva zahinuli ŭ bunkiery
Hanca da Nasrały adpraviŭ viarchoŭny lidar Irana ajatała Chamieniei, bo bajaŭsia karystacca zvyčajnaj suviaźziu z-za mahčymaści pierachopu paviedamleńniaŭ z boku Izraila, vyśvietliła ahienctva Reuters. Pasłańnikam akazaŭsia vysokapastaŭleny iranski hienierał.
Za niekalki dzion da hibieli lidara «Chiezbały» Chasana Nasrały ŭ vyniku izrailskaha ŭdaru viarchoŭny lidar Irana ajatała Ali Chamieniei adpraviŭ da taho hanca z zaklikam terminova pakinuć Livan. Zvyčajnaj suviaźziu było vyrašana nie karystacca praz ryzyku pierachopu z boku Izraila i historyju z masavymi vybuchami pejdžaraŭ u Livanie.
Pra heta paviedamlaje ahienctva Reuters sa spasyłkaj na troch vysokapastaŭlenych iranskich krynic.
Hancom akazaŭsia iranski hienierał-major Korpusa vartavych isłamskaj revalucyi Abas Niłfurušan. Jon byŭ pavinien papiaredzić Nasrału ab najaŭnaści ŭ jahonym atačeńni ahientaŭ Masada, jakija źbirajucca jaho zabić. U vyniku i Niłfurušan, i Nasrała zahinuli ŭ bunkiery padčas bombavaj ataki Izraila na Biejrut, zajavili iranskija krynicy.
Pa ich słovach, paśla zabićcia Nasrały ajatała Chamieniei staŭ hłyboka zaniepakojeny mahčymym praniknieńniem Izraila ŭ vysokapastaŭlenyja ŭradavyja koły ŭ Tehieranie, tamu byŭ pieraviedzieny ŭ biaśpiečnaje miesca.
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki6
Kamientary