Biełaruski biskup Alaksandr Jašeŭski sustreŭsia ŭ Vatykanie z papam Franciškam
Dapamožny biskup Minska-Mahiloŭskaj dyjacezii Alaksandr Jašeŭski pradstaŭlaje Katalickuju carkvu ŭ Biełarusi na druhoj siesii XVI zvyčajnaj Hienieralnaj asamblei sinoda biskupaŭ, jakaja prachodzić z 2 kastryčnika.
Pra sustreču paviedamiŭ sam Alaksandr Jašeŭski ŭ instahramie, apublikavaŭšy fota z papam.
«Parazmaŭlaŭ siońnia sa Śviatym Ajcom Franciškam. Nichto nam nie pieraškadžaŭ. Nie było inšych udzielnikaŭ u čarzie da Papy, tamu my siońnia daŭžej parazmaŭlali. Z błasłaŭleńniem Pantyfika dla ŭsioj Biełarusi ja ščaślivy adyšoŭ ad Śviatoha Ajca», — koratka apisaŭ jon sustreču.
Sutnaść razmovy zastajecca pakul nieviadomaj. Pres-słužba Śviatoha Pasadu nie paviedamiła pra asabistuju sustreču ijerarchaŭ, a aficyjny partał Rymska-katalickaha kaścioła ŭ Biełarusi taksama pra jaje pakul nie zhadvaje.
Kamientary