Zachvorvańni na kavid u Minsku za miesiac źnizilisia na 17 pracentaŭ
Nakolki raspaŭsiudžanaja karanavirusnaja infiekcyja ŭ stalicy i kamu nieabchodna ad jaje pryščaplacca, raskazaŭ «Minsk-navinam» namieśnik hałoŭnaha doktara Minskaha haradskoha centra hihijeny i epidemijałohii Hryhoryj Hieciuk.
— Karanavirus u nas pa-raniejšamu cyrkuluje, jon, na žal, nikudy nie źnik. Ale kolkaść zachvorvańniaŭ źniziłasia ŭ paraŭnańni ź minułym hodam. U vieraśni adznačaŭsia peŭny rost zachvorvańnia na COVID-19, ale ŭ kastryčniku jon byŭ na 17 % nižejšy. Tamu spadziajemsia, što nadalej situacyja nie budzie vychodzić z-pad kantrolu.
Ciapier u asnoŭnym cyrkuluje amikron, a novyja štamy, takija jak CHIES i FLiRT, jakija abjaŭlajucca ŭ śviecie, — heta ŭsio padvidy taho ž amikrona. Ja nie dumaju, što jany značna paŭpłyvajuć na epidemijałahičnuju abstanoŭku, — adznačyŭ H. Hieciuk.
Jon dadaŭ, što ciapier karanavirus adniesieny da siezonnych zachvorvańniaŭ i, jak praviła, supadaje ź pieryjadam pavyšeńnia vostrych reśpiratornych infiekcyj. Miedycynskija ŭstanovy hatovyja jak da dyjahnostyki zachvorvańnia, tak i da akazańnia nieabchodnaj dapamohi. Pry hetym u tatalnym PŁR-teściravańni patreby niama.
— U nas isnujuć łabaratoryi, jakija robiać mazki na PŁR-daśledavańni i dajuć zaklučeńnie: jość karanavirus ci nie. Ale nieabchodnaść u teście vyznačaje doktar — tatalnaha teściravańnia nie patrebna. Ciapier štamy karanavirusa nie takija patahiennyja, jak byli napačatku. Jany ŭžo adniesieny da siezonnych infiekcyj, majuć padobnyja simptomy z hrypam i, jak praviła, prachodziać dastatkova lohka. Choć, viadoma, ciažkija ŭskładnieńni nie vyklučany ŭ ludziej, schilnych da inšych zachvorvańniaŭ, — padkreśliŭ śpiecyjalist.
Akramia taho, namieśnik hałoŭnaha ŭrača parekamiendavaŭ minčanam rabić pryščepki ad COVID-19.
— My čakajem pastaŭku vakcyny «Sputnik Łajt» z aktualnymi štamami infiekcyi, jakija cyrkulujuć ciapier. Lepš, viadoma, zrabić pryščepku, kab zaścierahčy siabie ad zachvorvańnia i ciažkich uskładnieńniaŭ. Ale ciapier my ŭžo nie prymušajem pryščaplacca ŭsich tatalna, choć jość peŭnyja katehoryi ludziej, jakija pavinny vakcynavacca. Naprykład, heta ludzi pažyłoha ŭzrostu ŭ pansijanatach dla sastarełych. My budziem nastojvać na ich vakcynacyi, kab u zakrytym kalektyvie infiekcyja nie raspaŭsiudžvałasia, — skazaŭ H. Hieciuk.
Razam z tym ułady ŭžo bolš za dva hady nie paviedamlajuć pra kolkaść vypadkaŭ zachvorvańnia.
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU15
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Biudžety, vo, novyja piłujucca.
Da Uršulinych miljardaŭ, štopraŭda, na łachcyny nie vyciahvaje kałhasny ład
Mnie kak-to bližie pauerliftinh, no priznaju, čto fitnies biez priedielnych nahruzok namnoho poleźnieje )