U staroj savieckaj «panelcy» ŭ Minsku pradajecca piacipakajovaja kvatera z tryma bałkonami
Na adnoj ź placovak pa handli nieruchomaściu źjaviłasia abjava ab prodažy piacipakajovaj kvatery płoščaj bolš za 100 kvadratnych mietraŭ. Siońnia takim mała kaho ździviš, ale sprava ŭ tym, što hetaja kvatera raźmieščana ŭ savieckim panelnym domie, jakomu bolš za 40 hadoŭ, piša Blizko.by.
Havorka idzie pra dom №28 pa vulicy Hamarnika ŭ Zialonym Łuzie. Heta panelny dom sieryi M-335BK, raspracavanaj u «Minskprajekcie» pad kiraŭnictvam architektara Eły Levinaj.
U kvatery — cełych piać pakojaŭ i try łodžyi, što vielmi niecharakterna dla typovych panelnych damoŭ. Ahulnaja płošča kvatery — 101 kvadratny mietr, ź ich 71 kv.m składaje žyłuju płošču, a kuchnia — 8,2 kv.m.
Pa płanie vidać, što dva ź piaci žyłych pakojaŭ majuć płošču krychu bolš za 17 kvadratnych mietraŭ, a try astatnija — krychu bolš za 12 kv.m. Pry hetym adzin ź vialikich pakojaŭ nie prosta prachadny, a prachadny ŭ dvuch napramkach: u mały žyły pakoj abo na kuchniu.
Z troch łodžyj zašklonyja dźvie, usiaho ŭ kvatery šeść voknaŭ. Sumieščany sanvuzieł płoščaj 7 kvadratnych mietraŭ: tut źmiaścilisia nie tolki vanna z pralnaj mašynaj, ale i dušavaja kabina.
Kvatera pradajecca za 383 tysiačy rubloŭ, abo 116 tysiač dołaraŭ u ekvivalencie. Adzin kvadratny mietr abydziecca pakupnikam u 1.150 dalaraŭ.
Kot, jaki trapiŭ na adnu z fatahrafij sanvuzła, mabyć, nie pradajecca.
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie16
Kamientary
kazali, što termin panelek dzieści 50 hod, a potym pad znos. a tut... 116 tysiač dołaraŭ za kvateru ŭ paŭviakavoj panelcy
2. "ź ich 71 kv.m składaje žyłuju płošču" - nie mietry składajuć płošču, a, naadvarot, płošča składaje ("sostavlajet") kolkaść mietraŭ. Značyć, pravilna tak: "ź ich 71 kv.m składaje žyłaja płošča".
Chacia nie abaviazkova paŭtarać (i dadatkova zabłytvać) kancylaryzm z rasiejskaj, možna i praściej napisać.
Iznoŭ nizki ŭzrovień artykułaŭ-pierapostaŭ-pierakładaŭ. Mabyć, uvohule ich nie rabicie, z takim padychodam.