Niamieckaja ministarka prapanavała nakiravać na polska-biełaruskuju miažu mižnarodnyja siły
Nakiravać na miažu ź Biełaruśsiu siły Jeŭrapiejskaj słužby pamiežnaj i bierahavoj achovy (Frontex) prapanavała ministarka ŭnutranych spraŭ i miascovych supolnaściaŭ Hiermanii Nensi Fezier padčas vizitu ŭ Polšču 30 kastryčnika, piša «Pozirk». Pavodle čynoŭnicy, u skład misii moža ŭvajści vialikaja kolkaść niamieckich palicyjantaŭ.
«Tut, na źniešniaj miažy ES, Polšča ŭnosić važny ŭniosak va ŭmacavańnie biaśpieki i skaračeńnie nierehularnaj mihracyi ŭ Jeŭropu», — cytuje Fezier pres-słužba jaje viedamstva.
Na dumku ministarki, dapamahčy baraćbie ź nielehalnaj mihracyjaj zaklikanaja ahulnaja jeŭrapiejskaja palityka nadańnia prytułku, jakaja pavinna być ukaranionaja na praciahu dvuch hadoŭ da červienia 2026 hoda. Jana praduhledžvaje, u pryvatnaści, bolš spraviadlivaje raźmierkavańnie biežancaŭ u Jeŭropie, pačatak pracedury nadańnia prytułku najmienš abaronienym katehoryjam ŭžo na miažy, minimalnyja standarty pryjomu, utrymańnia i zabieśpiačeńnia tych, chto šukaje prytułku ŭ ES.
Fezier adznačyła, što ź siaredziny vieraśnia palicyja Hiermanii kantraluje ŭsie naziemnyja miežy krainy.
«Razam my chočam jašče bolš skaracić nierehularnuju mihracyju, spynić kantrabandystaŭ, pakłaści kaniec złačynnaści, previentyŭna vyjaŭlać isłamistaŭ. Hetaja meta abjadnoŭvaje nas — jak i miery, jakija my prymajem sumiesna ŭ mnohich miescach», — skazała niamieckaja ministarka ŭ Polščy.
Pavodle źviestak niamieckaj palicyi, za 9 miesiacaŭ 2024 hoda zafiksavana 64 292 sproby nielehalnaha ŭjezdu ŭ Hiermaniju, u tym liku 6 921 — u vieraśni. U paraŭnańni z anałahičnym letašnim pieryjadam napružanaść źniziłasia: było adpaviedna 92 128 i 21 375 sprobaŭ (bolš u 1,4 i 3,1 razy).
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary