Ci možna pradać kvateru, za jakuju jašče nie vypłačany kredyt?
Ryełtar raskazaŭ, jak prachodziać ździełki ź nieruchomaściu, jakaja nabytaja ŭ kredyt.
«Mnohija dumajuć, što pradać takuju kvateru nierealna, ale heta mif, — raskazaŭ «Anłajnieru» ryełtar ahienctva «Maryełt». — Tak, pry prodažy padobnych abjektaŭ jość svaje niuansy, pra jakija pakupnikam važna viedać. Naprykład, niadaŭna da mianie źviarnułasia siamja, jakaja płanavała źjechać u inšuju krainu i pradać svaju kvateru ŭ słupku na vuł. Skryhanava. Jany kuplali hetuju dvušku paru hadoŭ tamu z pryciahnieńniem kredytu, i na momant ździełki doŭh u rajonie $15 000 byŭ nie pahašany. Jak praviła, nie ŭsie hatovyja ŭviazvacca ŭ padobnyja «avantury», ale pa fakcie ałharytm dziejańniaŭ pry takich ździełkach užo adpracavany».
Pry prodažy kvater, jakija znachodziacca ŭ zakładzie ŭ banka, ryełtary zadziejničajuć dahavor pazyki. Pa sutnaści, heta hrošy, jakija dajucca ŭ doŭh pradaŭcu, kab toj całkam pahasiŭ abaviazacielstvy pierad bankam.
«My znajšli pakupnika, jaki hatovy byŭ nabyć dvušku na našych umovach. Pierš za ŭsio sabrali ŭsie nieabchodnyja dakumienty na kvateru, kab pierakanacca ŭ jaje «čyścini». Uładalniki na toj momant užo byli zarehistravanyja pa novym adrasie, — uspaminaje ryełtar. —
Paśla taho jak dakumienty na kvateru apynulisia ŭ nas na rukach, my adpravilisia da nataryusa, kab aformić dahavor pazyki, pa jakim pakupnik pieradaŭ pradaŭcu $20 000 pa kursie. Tut varta mieć na ŭvazie, što da prodažu kvatery hety dahavor nie maje nijakaha dačynieńnia: pa im adna fizasoba daje ŭ doŭh hrošy inšaj.
Zatym my pajšli ŭ bank i razam pahasili kredyt. Zvyčajna daviedku ab poŭnym pahašeńni doŭhu bank rychtuje kala troch dzion, i heta taksama treba ŭličvać pry takich ździełkach. Tut jość nievialikija ryzyki: biez daviedki my nie zmožam pajści ŭ BRTI, źniać abciažarańnie i pravieści ździełku, a za try dni moža adbycca što zaŭhodna. Pry hetym zabrać u banka ŭniesienuju sumu nielha. Mnohija bajacca ryzykavać i admaŭlajucca ad kupli kvater, jakija znachodziacca ŭ zakładzie ŭ banka. Ale, naprykład, u majoj praktycy takich fors-mažoraŭ nie było. U vyniku daviedku ad banka my atrymali, praviali ździełku i biez prablem pieraaformili dvušku na novaha ŭładalnika. Reštu sumy muž i žonka atrymali na ruki. U majoj praktycy takija ździełki prachodziać prykładna raz u miesiac».
Ryełtar kaža, što ŭ situacyjach, kali ŭ spravie zamiašany lhotny kredyt na kvateru, ryełtary dziejničajuć krychu inakš. Tut tak prosta «kvadraty» nie pradać, pakolki pa damovie paśla poŭnaha pahašeńnia kredytu pavinna prajści minimum piać hadoŭ.
«Ale navat u takich situacyjach jość ščyliny, z dapamohaj jakich možna «pazbavicca» ad nieruchomaści. Heta mahčyma, naprykład, kali va ŭłaśnika jość padstavy: pierajezd u inšuju miascovaść, palapšeńnie žyllovych umoŭ, śmierć adnaho z sužencaŭ abo razvod. Pakiet dakumientaŭ, jaki paćviardžaje adnu z padstaŭ, treba padać u vykankam, jaki vyniesie rašeńnie, ci možna ŭ dalejšym pradavać kvateru.
U mianie ŭ praktycy takija ździełki byli. Siamja ź Minska chacieła pradać adnapakajoŭku na Alibiehava, kab kupić dom za horadam. Pryjšłosia vielmi mocna pastaracca, kab znajści padychodny abjekt, jaki zadavoliŭ by klijenta i padyšoŭ pad šerah patrabavańniaŭ ad vykankama. Litaralna za miesiac my pradali kvateru i znajšli sustrečny varyjant. Ad siabie skažu: bajacca takich ździełak nie varta, u 99% vypadkaŭ usio vyrašalna», — zapeŭnivaje ryełtar.
Kamientary