Na minułym tydni premjer-ministr Armienii Nikoł Pašynian na pasiadžeńni ŭrada parazvažaŭ pra hieahrafičnuju hienieałohiju nazvy «kańjak» i skazaŭ pra nieabchodnaść admovy ad nazyvańnia hetym słovam znakamitaha armianskaha napoju, a ciapier hety praces aficyjna zapuščany.
Ministr ekanomiki Armienii Hievorh Papajan paviedamiŭ pra pracu nad płaŭnym spynieńniem vykarystańnia nazvy «armianski kańjak». Zamiest jaho ŭłady majuć namier zarehistravać brend «armianski brendzi».
Ministr paviedamiŭ, što praz dva tydni startuje prahrama padtrymki hetaha pracesu z boku Jeŭrasajuza. Brusel pavinien dapamahčy ŭ vyznačeńni patrabavańniaŭ da łabaratoryj, jakija zabiaśpiečać kantrol jakaści brendzi, a taksama ŭ raspracoŭcy sistemy kantrolu jakaści. Akramia taho, ES prasočyć za vykarystańniem novaj nazvy kańjaku i dapamoža ŭ raźvićci adpaviednych mahutnaściaŭ.
«Bolš za toje, u pracesie rebrendynhu kańjaku klučavym momantam ličycca toje, kab armianski brendzi z novaj nazvaj byŭ zarehistravany ŭ jakaści hieahrafičnaha pakazalnika, mieŭ vyraznyja standarty, dakładnuju vytvorčaść, kantrol jakaści i miechanizmy kantrolu, jakim pavinny padparadkoŭvacca vytvorcy armianskaha brendzi, što buduć vykarystoŭvać novy hieahrafičny pakazalnik»,— zajaviŭ Hievorh Papajan padčas abmierkavańnia zakona ab dziaržbiudžecie na 2025 hod u parłamiencie.
Pašynian prapanavaŭ admovicca ad nazvy «armianski kańjak»
Rasija vyjaviła «masavyja parušeńni» ŭ armianskim kańjaku paśla zajaŭ Pašyniana ab vychadzie z ADKB
Što z ałkaholu letaś čaściej pili biełarusy — statystyka
Narkołah — pra biaśpiečnyja dozy vypiŭki, samy škodny vid ałkaholu i toje, kali varta źviarnucca pa dapamohu
Kamientary