Stryžak: U novaj atacy ŭ poli zroku siłavikoŭ niekalki sotniaŭ čałaviek
Kiraŭnik «Bajsoł» Andrej Stryžak padzialiŭsia infarmacyjaj pra novuju chvalu zatrymańniaŭ.
Pa jaho nazirańniach u hetaj chvali niekalki asablivaściaŭ.
«1) koła achviaraŭ apošniaj ataki — svajaki i blizkija palitviaźniaŭ;
2) rehijanalny charaktar ataki, abłavy iduć pa ŭsioj krainie;
3) hibrydny farmat chvali — paralelna z aryštami i vobšukami idzie infarmacyjnaja kampanija pa ŭjaŭnaj «adlizie» (admova ad publikacyi videa z zatrymanymi, arhanizacyja sustrečy Kaleśnikavaj z baćkam, kropkavyja pamiłavańni)», — pieraličaje jon u fejsbuku.
Stryžak dadaje, što, pa jaho infarmacyi, u hetaj atacy ŭ poli zroku siłavikoŭ niekalki sotniaŭ čałaviek. Asablivy akcent na rehijonach: Połack i Navapołack.
Raniej u suviazi z hetym Stryžak abviaściŭ pra mabilizacyju słužby evakuacyi.
Nahadajem, što ŭčora stała viadoma pra chvalu zatrymańniaŭ, jakaja prajšła pa ŭsioj Biełarusi.
Pad zatrymańni trapili, u tym liku, svajaki palitviaźniaŭ. Aryšty i vobšuki prajšli ŭ šmatlikich ludziej na pradmiet atrymańnia dapamohi.
Zatrymańni prajšli ŭ Hrodzienskaj vobłaści, Baranavičach i Minsku.
Ciapier čytajuć
Dzie pracujuć i jak vyhladajuć žonki top-čynoŭnikaŭ?9
Kamientary