Dziejny kancler 25 listapada budzie ŭchvaleny kandydatam Sacyjalistyčnaj demakratyčnaj partyi Hiermanii (SDPH) na pasadu kiraŭnika ŭrada na daterminovych vybarach u Bundestah, jakija płanujecca pravieści ŭ pačatku 2025 hoda, piša Deutsche Welle.
Dziejny kancler FRH Ołaf Šolc stanie kandydatam SDPH na pasadu kiraŭnika ŭrada na daterminovych vybarach u Bundestah, jakija adbuducca ŭ pačatku 2025 hoda. Ab hetym zajaviŭ staršynia partyi Łars Klinhbajł viečaram u čaćvier, 21 listapada, u Bierlinie.
«My chutka ŭsio prajaśnim u orhanach (kiraŭnictva partyi SDPH) — u paniadziełak (25 listapada). — My chočam pačać nastupnuju vybarčuju baraćbu razam z Ołafam Šolcam».
Raniej 21 listapada adzin z partyjcaŭ Ołafa Šolca — ministr abarony Hiermanii Barys Pistoryus— zajaviŭ, što nie budzie vyłučać svaju kandydaturu na pasadu kiraŭnika ŭrada FRH. Jaho zvarot byŭ apublikavany na staroncy Sacyjalistyčnaj demakratyčnaj partyi Hiermanii ŭ sacyjalnaj sietcy Ch.
Pistoryus patłumačyŭ, što rašeńnie nie vyłučać svaju kandydaturu na pasadu kanclera jon pryniaŭ samastojna. U baraćbie za hetu pasadu padtrymlivaje dziejnaha kanclera FRH Ołafa Šolca.
«Ołaf Šolc — mocny kancler, i jon pravilny kandydat na pasadu kanclera», — patłumačyŭ ministr abarony FRH i dadaŭ, što Šolc, na jaho dumku, «vystupaje za razvažlivaść i ŭmieranaść», što asabliva važna ŭ takija kryzisnyja časy, jak ciapier.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary